بنات البحرين ... أرجووكم ساعدوني

أرجووكم حالتي صعبه

أنا مركبه تقويم الاسنان ومو مرتاحه للدكتوره اللي أتعالج عندهه في البدايه قلت أكيد هي تعرف شغلهه ما بتدخل وهي متخصصه لكن الحين أحس انهه ما تشتغل بضمير تقول لي هذا مو عدل مثلا وبعدله لج وبعدين مره ثانيه ولما اروح لهه تقول لا انا ماقلت وخليهم ولا تخافين والله تعبت معاها قلبي مقبوض ومب مرتاحه

أرجوكم اللي تعرف طبيب أو طبيبه شاطره بالتقويم خبروني أنا أنتظر
لا تتأخرون علي أرجوكم نفسيتي تعبت

وجزاكم الله ألف خير

6 تعليق 850 مشاهدة

شاركي في النقاش

سجلي الدخول لإضافة تعليق.

التعليقات

6
  1. حبيبتي وجه الفجر والله كنت حابه اساعدج بس ماعندي اي معلومه عن طبيب زين للتقويم.....واذا عرفت اي شيء راح اقولج........الله المستعان
  2. @bnt_alfrdan

    السلام عليكم

    دكتور عباس الفردان واجد زين وأختي وبنت خالتي مسوين عنده تقويم وهو يعالج في مشستفى النعيم .. عيادته في مستشفى نور التخصصي قريب مستشفى السلمانية.

    مع تحياتي
    بنت الفردان
  3. @aayn_albhryn

    اختي في مستشفى جديد ب ام الحصم اسمه مستشفي كيوز وااااااااايد زين كل الدكاتره الللي فيه هنود واحي اطمنج انهم يعالجون بنص السعر وانا مرة اخوي توه من اسبوع مسويه تقويم في اسنانها ومرتاحه منه وحتى اختها بعد سويت ولا سو لها التقويم 500 دينار بس شوفي الفرق وانا انشاء الله بحاول ايب لج رقم المستشفى بكره اذا الله راد

تابعي تجارب أخرى من هذا القسم.