الفزعه (اختي حبيبتي اجمل مافي حياتي )طفشتني

طبعا ما كملت موضوعك لانه فار دمي منك

مره مستغلتك

تتجمل على حسابك وين زوجه مو تقولين عندهم قصر خلاص تعرف تدبر نفسه بدونك

اذا طلبت منك مره ثانيه اسفهيه او قولي له ماقدر او داخله على قطات او او تصريفه

اكره الا ستغلال

محتاجه على عيني وراسي ابيع نفسي عشانه

اما اعطيه وتشري العاب لعياله او بلايز لا لا

لو كانت محتاجة حقا

وتحتاج مساعدة في ضروريات الحياة لقلنا لك قفي معها وساعديها .

ولكنها تستغلك في الكماليات , والكماليات جداً

ولستِ ملزمة شرعا ولا عرفا بالإنفاق على متعتها وكمالياتها .

فكوني حاسمة وأنهي الموضوع معها .

وحتى لو زعلت , فما قدمته من مساعدة لك قديما ستجد أجره عند ربها , وأنت قدمتِ لها حتى الان بما فيه الكفاية

لا تكوني مسكينة أكثر مما يجب

لاتكن لينا فتعصر ولا شديدا فتكسر

ومعروف اختس طلعته بطاعونه وين عقلتس عسى ماشر وليتها محتاجة الا فشخرة وفسقة

تلاحق عمرتس لا تصيرين عبيطة اختي على عيني وراسي لكن تستغفلني لا

الا زوجتس وينه وش رايه وانت صايره تكرفين لغيرتس على الاقل حطي في بيتس اسعدي نفستس ورجلتس

للاسف أنت ضعيفة الشخصية هذي مهيب طيبة

اعذريني على قسوتي واختس طنشيها قولي ماعندي شريت ملابس عطيتهم رجلي ياختي على الاقل اشتري ارض وقسطيها

كلميها وقولي نحتاجه 5000 ضرووووري

واذا رفضت قولي شكلي بجمع الرواتب واذذا قالت لك محتاجه قولي مااقدر نسيتي ان احتاج هالمبلغ

الله يعينك عليها والله ذي مصيبه الحين هماها موظفه وش تبي بعد كلن يمد لحافه على قد رجليه...
قولي رجلي شرا ارض لي بالتقسيط ومايبقى من راتبي الا 500 وشكلي بحتاجك الايام المقبله الله يعينك علي وعلى طلباتي ومن هالكلام عشان تخاف تدق عليك