كريم الزنجبيل آه ياهالكريم

والله ثم والله ثم والله اني اتكلم عن تجربه مو دعايه لهالمنتج او كذب او فلانه استخدمته او فلانه بنت جيران بنت خالتهم استخدمته هذا الكريم انا استخدمته واستفدت منه...
مره وانا ألف بهالمنتديات حصلت وحده تمدح فيه ان اختها استخدمته ونحفت عليه قمت ودقيت على عطار دايم اخذ منه وشاطر حيل لانه دارس الاعشاب ويقول اذا هالمنتج تجاري او فعلا ممتاز وسألته قام مدح لي في كريم الزنجبيل وقالي علشان نتايج احسن البسي مشد وامشي ع السير ربع ساعه طبعا ماكذبت خبر شريته وكان سعره 45 ريال واستخدمته والله يابنات كل من لاحظ ان ضعفت من تحت لاني استخدمته بس ع الفخوذ والارداف وكنت البس مقاس بناطيل 34 وصرت البس 30 وطبعا كنت اخفف من الاكل وامشي يوميا ربع ساعه واحيانا لنص ساعه والله يوم احطه والبس المشداحس بحراره بنفس المكان اللي فيه الكريم ...
واستخدمت بعد معاه كريم للسيليولايت من نيفيا يعني واحد بالليل وواحد بالنهار وخف السيليولايت بكثير بس للاسف ماكملت عليه لانه لازم شهرين وانا اقل من شهر استخدمته لاني سافرت وتلخبط نظامي بالنوم ووقفته بس برجع اكمل عليه ان شاء الله .
هذي تجربتي واتمنى انكم تستفيدون منها واتمنى كل من تدخل تقرا موضوعي انها ع الاقل ترفع يدها وتقول آمين ان ربي يرد لي طليقي ويجمع شمله معاي ومع بناتي ويحقق تفسير الشيخ لرؤياي يارب

وهذي صورة الكريم


139 تعليق 17,377 مشاهدة

شاركي في النقاش

سجلي الدخول لإضافة تعليق.

التعليقات

135
  1. @ksyd_shok

    الله يسعدك

    كنت افكر اشتريه من زمان بس اللي ما نعني منه اخاف انه يطلع تجاري فقط لا أكثر

    بس الحين حمستيني له

    الله يوفقك يارب ويحقق لك كل اللي تتمنيه ويرد لك طليقك ويجمع

    شملك معاه ومع بناتك ويحقق لك تفسير رؤياك يارب

  2. انا حاليا استعمل الكربم بس انتى حطى صورتواا عشان اعرف اللى عندى مع ان الحمدلله فى نتيجه الكل لاحظ انى نحفت شوى بس الحين حمستيني له الله يوفقك يارب ويحقق لك كل اللي تتمنيه ويرد لك طليقك ويجمع شملك معاه ومع بناتك ويحقق لك تفسير رؤياك يارب
  3. @laraaaaa

    لونه أخضر والغطاء ذهبي تراه بختلف الكريم من داخل أنا حقي ريحته فكس وحق أختي ريحته قرنفل مايل للأسود والعلبة نفسها

تابعي تجارب أخرى من هذا القسم.