تجمع للمصابات بمرض الذئبه الحمراء

هلا باختي ام سته انتبهي لاتفكرينتحملين الحين الزم ماعليك صحتك الى ان يخفف علاجك لان الادويه اللي ناخذها ميب سهله ممكن تسبب اجهاض او تشوه للجنين الله يستر او نشاط للذئبه فانتبهي

في النشرة حقة الكورتيزون يقول لازم يبلغ الدكتور فورا عند الحمل
والسيلسبت يقولون انه يسبب تشوه الأجنة عاد الدكتورة اصلا قالت لي اجلي موضوع الحمل
ولاتستخدمين حبوب والحمد لله على كل حال انا بديت اليوم في جرعة 25 من الكورتيزون واصلا من يوم بديت ال30
وانا احس بخمول فظيع الله يستر يارب

شكرا اختي حنين الماضي على الترحيب والتشجيع

طبعا طفولتي امتازت بالامراض الكثيره اللي اهلي عجزو في تفسير اسبابها دايما درجه حرارتي مرتفعه ومناعتي ضعيفه ....لدرجه اني اتذكر سؤال سالته الوالد ....<ليش انا دايما امرض و اخواتي لا ؟>طبعا كنا راجعين وسط اليل من المستشفى وكان عمري تقريبا ثمان سنين ....الدكاتره بالغو في الادويه والمضادات ....والحين اتصفح واقرا عن المرض ويقولون من اسبابه كثرة استعمال الادويه و المبالغه فيها
طبعا الوالد قال هذا امر الله يابنتي
مرت الايام وفي الثانوي ...لما المدرسات يجمعونا في المصلى ونفصخ الجزم<الله يكرم السامع>لاحضت ان باطن رجولي مختلف عن البنات كان لونها احمر ..طبعا انا كنت افكرها انظف من رجول البنات الباهته والصفرا ...شوي زميلاتي يقولون اشفي رجولك كذا لونها؟ وطبعا كان في احمرار في خدودي بس ماكنت كارهه هذا الاحمرار كنت ادلع واقول رباني ...في اخر سنه من الكليه صارو البنات يقولولي عيونك اشفيها صفرا ....هنا بديت اقلق وحبيت افحص بس كنت صغيره وماعرف كيف؟وطبعا في فتره مرت عليه كريه مرحله حب الشباب وهنا لاحظت ان اختي تفقع الحبه بعد اسبوع مشاالله تبارك الله ترجع بشرتها زي ماكانت اما انا اتحرص عليها ولا امسكها ويمسك الاثر تقريبا ست شهور ويمكن بعد اكثرفي مرحله الكليه بديت احس ببروده الاطراف والاصابع الزرقا والام الاصابع والمفاصل اللي يروح ويجي والشعر بدا يقل .....طبعا انا دايما احس هنا ان فيني شي بس كنت ساكته ...ياخبر اليوم بفلوس بكره يصير بلاش...

والله تصدقين انا من فترةصرت الاحظ ان باطن رجولي احمر

غاليتي ام ستة الحمد الله على العافية وعلى اجر المرض اللي نحتسبه عند رب العباد
وفعلا كلام الصيدلية صحيح هي والاخوات ادويتنا خطيرة جدا والحمل صعب المجازفة فيه بدون مكن ا نا نعرض حياتنا وحياة البيبي للخطر
انا اول مابدأت العلاج قالت لي الدكتورة اني ااجل الحمل وانه لو حصل ممكن يسبب نشاط للذئبة او اجهاض
للطفل او تشوه لكن ما ياستني قالت لو استقؤت الحالة وخمات الذئبة على جرعة بسيطة ممكن الحمل لكن بتكون المخاطرة بقطع بعض الادوية مما يسبب نشاط المرض من جديد وقت الحمل وتتعب الام والبيبي عادي ما يتضرر
هذا اللي قالت لي والله اعلم وبصراحة ان من رايي ان مايجوز نلقي بانفسنا الى التهلكة لان حياتنا ملك لرب العالمين وامانة عندنا والله اعلم
والبنسبة لاخر موعد لسا استنى 14ذوالقعدة طلبوا مني وانتي بكرامة تجميع بول 24ساعة وتحاليل كالعادةوجرعة الكورتيزون الحمد لله استقرت على 5مكغ من 6-7شهور بدون ما احس بتعب الحمد لله ما شاء الله ههههههه خايفة احسد نفسي
بس انا اول مرة يطلع بجسمي بمنطقة الصدرتقاط صغيرة سمراء زي لون الكلف حصل هذا بعد روحتي مع اهلي بعد العيد استراحة وسبحنا بالبركة اللي فيها وتعرضت للشمس وانا رايحة وجاية للبركة اللي كانت مغلقة وبعد طلعت لي كم نقطة بمنطقة تحت العين كانها نمش بس لونها مواحمر زي الكلف
تعتقدون انها من المرض لان مفروض ما نتعرض للشمس بدون واقي
وانا بصراحة بشرتي الحمد لله صافية وقهروني هالنقاط كاني مو انا وتعرفون كيف اعالجها
شكلي حبيت الثرثرة معاكم ووجعت راسكم سلاااااااااااااااااااااااام:42::26::42:وسلامي على كل الاخوات اللي حبيتهم زي اهلي ورب ضارة نافعة اللي جمعتنا على خير