شاركي في النقاش

سجلي الدخول لإضافة تعليق.

التعليقات

16
  1. @myma_o_bs

    حبيبتي

    اولا مبروك عليك الببغاء

    وماشا اءلله الهولندي من أفضل الطيور المتكلمه


    انا كمان عندي هولندي بس ماشا الله عمرها الان 3 سنوات


    واللي عندك ماشاء الله لسه فرخ

    اهم شي في الموضوع هوا يجعر أو لا ؟؟

    واليف او لا ؟؟

    انا بقو للك تجربتي مع الطيور

    عندي هولندي

    وعندي الدره المطوقه

    فبحاول اقول لك الخطوات والطرق اللي انا بستخدمها معاهم


    اول ماتجيبيه لازم تحطيه في مكان عالي

    يعني يصير في مستواكم

    اذا عندك اطفال لاتخليه اول اسبوع في المكان اللي فيه اطفال

    لانه يخاف منهم

    لازم اسبوع لين ياخذ عليهم

    بالنسبه للاكل

    الحب الشمسي بالنسبه لهم زي الرز بالنسبه لنا

    يعني اساسي

    لازم كل يوم تعطيه اللي يملي يدك 3 مرات باليوم

    وبين الوجبات

    اعطيه تفاح مقسم اطوال عشان مايعرف ياكلو من صحن الاكل

    لازم يمسكو بيدو ويمخمخ عليه

    نصيحه مني / اللي يقول لك اكليه فلفل حار لاتاكليه لانه يسوي لهم تقرحات في جدار

    المعده وبعدين لاقدر الله يموت


    اهم شي عند اللبغاء انو القفص يكون نظيف ولا ماراح تصفر او تلعب

    اهم شي المويه تفييرها كل يوم حتى لو ماشرب لازم مويه نظيفه على طول

    وكمان الالعاب قد ماتقدري تملي لو القفص العاب

    والالعاب انا اسويها في البيت مايحتاج اشتريها

    الببغاوات تحب المساويك اشتري له مسواك واعطيه يكيف على كيف كيفه

    لو عندك فواكه مشكله مع خيار وخس وجزر اعطيه هيا بدل الفصفص حقهم مرتين او 3 في

    الاسبوع

    تقطعيها مربعات صغيره مره وف صحن الاكل تحطيها كلها وهي تاكل

    عصير مشكل بدون سكر اعطيها بدل المويه

    بالنسبه للفواكه والتفاح اللي فوق مرتين او 4 بالاسبوع لاتكثري لهم

    لانه الله يكرمك التفاح يسوي لهم اسهال

    بالنسبه للقفص

    الارضيه انا كنت احط جريده وبعدين عشان اسم الله غيرتها وصرت احط ورق الطباعه A4

    واخر شي صرت بحط نشاره الخشب وبصراحه مره جونان لانها تمتص كل شي


    وبالنسبه لتنظيف القفص كل اسبوع مره

    والطير لازم يتروش كل اسبوع

    طريقه ترويش الطير في الصيف

    اذا كان القفص كبير

    حطي له جوت القفص بلاستيك فيها مويه مو تملي البلاستيك لا طبعا نصها

    وسيبها في القفص من نفسو الطير حيجيه ويروش نفسه وانتي بس تتفرجي


    في طيور ماتحب تروش نفسها لازم انتي تروشيها

    عادي حطيها في البانيو العادي ورشي عليها برشاش المويه بدون منظفات ولا صابون ولا

    شامبو

    وبعد ماتخلصي حطيه في مكان مافي تهويه ابد

    لا شباك ولا مكيف ولا مروحه


    من 3 الى 4 ساعات

    الين ينشف نهائي

    وفي الشتاء ابد ماتروشيه

    جيبي بخاخ المويه وبخي عليه مره في الاسبوع فقط


    وبالنسبه للطير انتبهي من المكيف عليه حتى لو مو بارد مره لان المكيف يجيب له التهاب


    في الصدر وزكمه والتهاب الصدر مع الزكمه تسبب له العمى

    ببغاء خالي جاه عمى من المكيف البارد بعد مازكم

    ابد مايكون في وجه المكيف

    طبعا الطير مايحب جلسه القفص لازم تطلعيه على استاند كل يوم من 4 الى 6 ساعات


    وقبل كل شي لازم توديه للبيطري يقص جناحه ويبرد منفاره ويقص اظافره

    الجناح عشان لايطير ويدخل لك ورا دواليب وحوستهم

    وسلامتك هذا كل اللي في بالي الان

    واذا احتجتي اي شي انا بالخدمه

  2. @ah_mn_klb_nshth

    ميمآ و بس
    حبيبتي اولا مبروك عليك الببغاء وماشا اءلله الهولندي من أفضل الطيور المتكلمه انا كمان عندي هولندي بس ماشا الله عمرها الان 3 سنوات واللي عندك ماشاء الله لسه فرخ اهم شي في الموضوع هوا يجعر أو لا ؟؟ واليف او لا ؟؟ انا بقو للك ت…
    وي وي والله مسئوليه
  3. @riyadh_desert_rose

    ماشاء الله انا اموت في الطيور وعندي كروانات وهم يشبهون الببغاء لحد كبير .. واحط جرايد لهم ولمن يعملون ازعاج في البيت وطفي النور يعني اظلم المكان الي هم فيه ويسكتون يجيهم النوم .. وناويه اجيب ببغاء من وين زوجك جابه الي عندكم ؟... وبالنسبه للحب افضل شي تشتري كميه من سوق الحمام يطلع رخيص جدا مقارنه للمحلات داخل الرياض لآن استخدامه بيسير مره كثير للحب .. ودلعيه كأنه انسان ترا يفهم.. وشغلي التلفزيون عشان يسمع اللاصوات ويقلدها ..وكل عدته جيبيها من سوق الحمام .. موفقه

تابعي تجارب أخرى من هذا القسم.