صاحبتي تزوجت وشوفوا اش قالت عن المكالمات ايام الملكه/ قديم

كل بنت اعرفها مملكه اومتزوجه تقولي اكبر غلط انك تكلمين خطيبك ايام الملكه لأنها تسبب مشاكل كثيره وطبعا ابو الشباب يعيشك باحلام ورديه وبعد الزواج تنصدمين بالواقع ):

تملكت اربع سنواااات ومن احلى الايااام ولا زالت بعد زواج خمس سنوات احلى اياااام

تراها مو قاعده يا بنات تعممونها الله يصلحكم

واللي تقووول خليك ثقيله وخليها لشهر العسل حتى شهر العسل حلو لو كلمتيه وكلها شهر ويمل

يعني لو ما كلمتيه ايام الملكه بيمل وشهر العسل ما يمل والا لا تكلميه بشهر العسل وخليك ببيت اهلك وروحي له يومين في الاسبوووع علشااان ما يملك


بنااات الوسطيه حلوووه بكل شئ مو انك تحرمين نفسك من اشياااء حلوه وحلال

طيب لو ما كلمته ومتملكه عليه من اربع سنوات او شهر على قولتكم شهرين

وش فايده الملكه اذا ما بعرفه واقرب له واعرف طبعه والنصاااب نصاااب واللي بيغش يغش حتى بشهر العسل
لا تقولون على الاقل فيه ايااام حلوووه عشتيها وهي ايام الملكه وتذكرينها ولا ننسى بعد بعد الزواااج والحرررمه تقدر تخلي اياااامها كلهااا شهر عسل وحلوووه بس زي الرجال ما يمل فيه حريم يملووون ويخلون الرجال يكرهها من الدلع والنعومه للخمبقه والتشكي

الا متملك علي علشااان ادلعه ويدلعني وحتى بعد الزواااج ان ما دلعني دلعته

وكله بحدوووووووووووود ووسطيه ما اقول كل الوقت انشبي له وقولي احبك

مستحيل اصلا تقووول اي من هالكلمات وهي مستحيل تكنها بداخلها

اهم شئ مشاااعرك تجاهه طلعيهااااا باحترااام وطبيعتك لا صرتي تستحين ما راح ينزع الحياااء

وحتى لا تزوجت الوحده تكبر وتعجز مع زوجها ويبقى حياااها

ما فيه وحده تنزع الحياااء بسهوله

وقربي منه واعرفي طبعه ويعرف طبعك وفيه ناااس تراجعوا بعد هالفتره ولو انها دخلت الحياه الزوجيه كان من الصعب انها ترجع لانها دخلت الحياااه


فايهم افضل انك تعرفين طبيعت حياااتك قبل الزواااج والا بعد ما تنصدمين بالواااقع يوم انت عروووسه


فيه اشياااء تبين مع فتره الملكه


ومادامنا على بر احسن من لا دخل علي


ولا تنسووون الوسطيه تجعل حياااتك كلها حلوووه بجميع مراحلها

واعطي كل شئ حقه

مادام تحبيه ما يمنع انك تقولللين احبك

وما يمنع انك تقولين حياتي لانه بالفعل بالوقت هذااا هو كل حياتك

مو انت تتجهزين ؟؟ مو انت تبين تكونين احلى واكشخ وحده لمين ؟؟


له هو


واذا مسوي البعض يمتنع من انه يقول الكلام الحلو علشااان ما يمل زوجها ابشرررك بيمل من جفافك ويدوره عند غيررررك


ترا الدنيا تغيرت وتفتحت اغلب الشباب كذا

وما راح تبدين انت فيها لا بطبيعه الرجل يبداء بالكلام الحلو ومع الوقت بتحبينه وتقولين له


مو انها من اووول مكالمه


والله يوفق الجمييييييييع

مو كل الازوااج سواااااء
لا افرااااااط ولاااا تفريط
خليك على طبيعتك مع حياااااااء اااايام الملكه
وبعد الزواااج خذي رااحتك