الهمّه الله يعافيكم يا بنات قطر

السلام عليكم ورحمة الله وبركاته

أدخل بالموضوع على طول
أنا لسه لي شهر ونصف بحملي
الله يعافيكم دلوني على احسن دكتوره في عياده أو مستشفى خاص .
وعلى أحسن دكتوره في مستشفى حمد إذا كان في بالعيادات المسائية حرمه مش رجال ..
أبو العيال يغار :32:
مشدد ما يبغى رجال يفحصني
حرمه ولا غير..
دلوني على دكتوره شاطره
لا تقولون لي دكتوره مريم سلمان دائما أنا عندها للسونار مش للإستشاره بأمور الحمل من بداية الشهور
يعني تعرفون هي تخصصها في السونار ما شاء الله عليها
أعرف إني طولت عليكم بس ممكن بعد تفيدوني بمسألة العيادات المسائية بمستشفى حمد
هل لازم إني أكون محوله من الطوارئ ؟
وإذا لا مش ضروري تحويلي من الطوارئ هل فقط للقطريات أم للغير أيضا عادي الدخول من غير تحويل ؟
وشكرا حبايبي الله يوفقكم ويرزقكم بالذرية الصالحه ..

9 تعليق 1,134 مشاهدة

شاركي في النقاش

سجلي الدخول لإضافة تعليق.

التعليقات

9
  1. صاحبة الموضوع
    ايش دعوى يا بنات قطر فينكم
    ما خبرتكم مش راعيات فزعه
    الله يكون في العون
    عشره داخلين ولا وحده ردت
  2. @tfl_ktr

    حبوبه انا اراجع عند الدكتوره هدى المحمد .. والحمدلله مرتاحه معاها ..

    وللحين ما راجعت في مستشفى حمد .. وان شاءالله البنات الي يراجعون في حمد يفيدونج ( وعادي يراجعون في حمد القطريات وغير القطريات ) بس الاجانب اتوقع برسوم

    وعادي تروحين لهم وتفتحين ملف ولازم ورقه صوره من ورقه عقد القران .. وبس .. مب لازم يحولونج من الطواري :)
  3. @almyash_ktr

    مبروك حملج أختي
    والله يرزقج الذرية الصالحه
    بالنسبه حق مستشفى النساء والولادة
    عندج دكتورة (( حليمة التميمي )) وايد ممتازه وتعاملها حلوو
    بعد عندج دكتورة (( زينه المنصوري)) بعد ممتازه وشاطره ويمدحونها

    أما بالنسبة للعيادة الخاصة :
    - عندج (( رزفي)) في المستشفى الأهلي بس أنا ماجربتها بس وايد بنات يمدحونها
    وعندج(( د. مها)) في عيادة الدوحة

    وأتمنى أكون أفدتج ولو بشي بسيط

تابعي تجارب أخرى من هذا القسم.