(( حواء قطر 2 ))

زين .... موضوع الغد :)
اللي لسة صاحية تجاوب , واللي بتشوفه بكرة ,,, ننتظر الجواب !
كيف تقيمين الوحدة المتزوجة اذا " سنعة " ام لا ؟ انا اتكلم عن البنات اللي من سن الزواج الى 35 سنة ,,, ابي تقييمك انتي مب كلام الناس ومدحهم او ذمهم فيها .
انتظر اجاباتكم اخواتي .........

اجابتي .....
اقيم الوحدة سنعة من :
نظافة بيتها
نظافة عيالها
أدب عيالها في الكلام
تحرص ان عيالها لما يدخلون يسلمون على الكبار, مب يدرعمون في المكان .
ستيرة في لبسها وخاصة عند الخروج
تخاطبها مع زوجها امام الناس و احترامها له ( بعض الحريم الله يهداهم , زوجها ينتظرها برا , تقعد تسولف ) / ( زوجها قاعد و تسولف على التلفون مدة طويلة ) .
تعاملها مع اهل زوجها وتقديرها لهم .
صوتها مب عالي اثناء الكلام / اذا كلمتيها بالهاتف ما تقطع كلامك كل شوي الا تكلم الشغالة او ولدها او تهاوشه ,,
اذا احد عنده عزيمة تتصل وتقدم المساعدة , و اذا العزيمة لاهل زوجها تسوي كم طبق وما تدخل ايدها فاضية .
توجب اقاربها و اقارب زوجها .
لما تنعزمين عندها , تحسين انها مشرفة على كل شئ مب مخلية الشغالة تسوي كل شئ / ولا تقعد مبهدلة ومب حاطة مكياج انها يعني لاهية في المطبخ لانها تحرج ضيوفها اولا انهم متعبينها و الضيوف مهم جدا عندهم الشكل / ما تترك ضيوفها كل شوي بل ترتب كل شئ قبل وصولهم و تتركهم للشديد القوي .
ترحب بضيوفها وتهلي فيهم واذا ام زوجها من بينهم تخليها في مكان بارز في المجلس و تكرمها .
اذا عندها مجموعة صغيرة من الضيوف , من الذوق انها تعرفهم على بعض اذا لم يعرفوا بعض او حتى بعضهم / اما اذا مجموعة كبيرة من الضيوف تحاول تعريفهم على بعض على جنب وليس امام الجميع و الا بيصير صف مدرسة :)
اذا عندها عشاء ما تخلي الاطفال يزعجون ,,, ويدخلون كل ساعة .
تعلم عيالها تحمل المسؤلية " يشيلون اللي عقبهم " , يرجعون الشئ بعدهم , الصلاة , يقولون شكرا للشغالة او اي عامل اذا أدى لهم خدمة ويتكلمون معاه باحترام و بدون تحقير .
تهتم في لبسها انه يكون مرتب دائما ( مب لازم ماركة , بس نظيف و متجدد )
توجب اللي يعزمها / و تتصل للاعتذار للي ما تروح له .
سلامها فيه حرارة مب باردة و ترد بكلمة .
تبتسم دائما " الابتسامة فيها صدقة "/ و الانسان يرتاح للانسان البشوش .
عاقلة في كلامها وردودها وماهي خفيفة .
ما تحش وتعقر / ولا تهول في الاحداث او تبالغ في المدح .
تهتم في حياتها العائلية وخصوصا عيالها مب كله برا او في السوق او زيارات .
ما تهاوش و تسب عيالها امام الناس و تعاملهم باحترام وخاصة اذا مراهقين .
ما تتكلم عن حياتها الخاصة امام الناس مهما حصل / ولا تمدح في نفسها و عيالها ومستواهم لان الناس تشوف وما في داعي للمفوشر .
ما تمسك المجلس طول الوقت و تسولف , تعطي فرصة للاخرين .
احترامها للمواعيد , سبع ,سبع ! مب سبع, تجي ثمان الا ربع مثلا .
عدم تأخرها في الخروج اذا مواعدة وحدة تمر عليها , تكون لابسة وجاهزة مب تلطعها في السيارة ساعة !
بس :)

هلا خوواتي
وحشتوني
شخباركم


حبيباتي انا الحين باروح انام لاني تعبانه من المشاوير اليوم
ومتضايقه بعد
لان زوجي اليوم ساااااافر


المهم
الله يخليكم

ابي ملابس رياضه من وين اشتريهم
ابي ملابس حلوه وعليها خطوط وهاي السوالف
ومن وره مكتوب كلمه
اليوم في القمه اشوف كل وحده لابسه ملابس رياضه حلوه مادري من وين يشترونها
لاني اول مره اشتري ملابس رياضه تصوروا

يارب تساعدوني

الله يستر من مستشفى حمد مايندرى وش نسو داخلنا لايكون ممرضه !!!!!

نصفي الثاني انا تعجبني ملابس زارا الرياضيه خصوصا انها تكون طقم مع الجوتي الله يعزك وبصراحه مريح مووووت وبعد فيه محل في الاندمارك ماعرف اسمه بس في نفس امكان الي فيه كارين ميلر واشكوش بيجوش وسلامتك