بنات مهم ........مهم ........لازم تدشون هنيه لمصلحتنا كلنا .......

اخواتي الغاليات
انا يمكن هاي المره الاولى اللي اكتب فيها موضوع للمنتدى
بس والله انا من كثر ماشفت المواضيع وخااااااصه مواضيع اللي تخص الشعر والبشره وعن تجربه مني لبعض الخلطات وتجربة غيري من اصدقاء للبعض الاخر
حبيت اني اقول اللي ذمتي وانصح فيه اخواتي
نصيحه لوجه الله تعالى خالصه لاغرض لي فيها
وانتم احرار تبون تسمعون او لا....

مواضيع خلطات الشعر بالذات
خلينا نقول مثل ....زيت املاء دابر ........
هذا عن تجربه شخصيه ماعليه كلام سوى الريحه الخايسه اللي مضطرين نتحملها عسب ناخذ الفايده عقب
بس مثل ماقلت يمكن بعض البنات علشان يخفون هالريحه يغطون شعورهم بالكاب الخاص بالحمام ..غلط ....غلط .....غلط
وعن تجربه حصلت لي وكانت النتيجه اني قعدت يومين اصرخ من الالم اللي في رأسي وعقب هاليومين طلعت لي حبوب في بشرة رأسي حبوب حمراء كبيره تخرع

وبالامس كنت في العياده عند دكتوره جلديه
ولما قلت لها اني سويت الزيت وغطيت شعرت صرخت فيني وقالت لي انتي شو مجنونه انتي تعرفين ان زيت املاء حار وايد تقومين انتي تزيدين هالحراره طبيعي اللي صار لج واحمدي ربج ان شعرج ماطاح
وعلشان ماتغلطون غلطتي لاتغطون شعوركم لما تحطون اي زيت للهنود لان هو اوريدي في حراره في تركيبته ويوم تغطونه بدل ماينعم ويطول يلتهب ويطيح وتطلع لكم بلاوي انتم في غنى عنه............

بالنسبه للباميه وشفت كثير من الاخوات ينصحون فيها في الخلطات بنات الباميه لاتصلح للشعر الدهني والناعم تطيحه عن تجربه لي ولبنت خالي مع الفرق في نوع الشعر
انا شعري ناعم ودهني بس مخترب من كثر الصبغات والحمدالله بديت اقرع من جدام بسبب هالصبغات سويت الباميه مع الحنه طيحت لي شعري بالمره
بس بنت خالي لان شعرها غليظ وكيرلي ماشاالله في اربع شهور وصل شعرها لين تحت ركبها ولا زال وكانت تغلي الباميه بالمويه لين تستوي وتعجن الحنه بالمويه حق الباميه ..

المحلب هم بعد مايناسب اي شعر مايناسب الا الشعر الجاف والمتوسط الدهني مايناسبه
والمحلب اذا قطعتيه مره وحده يطيح لج شعرج انتبهوا لازم اللي تبي تقطعه مب مره وحده يعني تدريجياً


بعدين شي مهم لازم نعرفه كلنا ان مب كل الشعر مثل بعضه

فيه الدهني والجاف وغيره يعني اللي تحط تجربه لها عن خلطه هي مسويتنها لازم بالاول تكتب شو هو نوع شعرها وحالته بالظبط قبل لاتحط الخلطه
لان ممكن بنات يستفيدون من هالخلطه وغيرهم لا والسبب نوع الشعر


بعدين شي ثاني مهم العطور والمخمريات تييب الشيب للشعر
يوم تيون تحطونها حاولوا تحطونها مخففه وايد مع ماااي مب مركزه تضر الشعر اكثر ماتفيده صحيح ريحتها تخبل بس ضررها يعدين اكبر وماينفع الصوت عقب لايفوت الفوت صح!!

هاي بعض نصايحي لكم واتمنى انكم توسعون صدركم لي ولنصايحي وماتتضايقون لان كل اللي ابيه مصلحتكم ومصلحتنا كلنا

وسلامتكم.......

28 تعليق 3,432 مشاهدة

شاركي في النقاش

سجلي الدخول لإضافة تعليق.

التعليقات

28
  1. @am_aazyzan

    مشكوره حبيبتي على النصيحه

    والحمدالله اني ما احط القبعه على اي زيت احطه براسي

    لان الحراره والتعرق يضعف البصيله

    وحتى بالحنه ما انصح انج تغطينها

    الا اخر نص ساعه من غسيلها

    واذا حابه تغطين غطيه بقطعه من قماش وهذا افضل

    وجزاك الله خير

    :26:
  2. @aayn_albhryn

    مشكووووووووووووووووره حبيبتي ولاهنتي على هالنصيحه الحلوه تسلم يدج الحلوه اللي اكتبة الزين لنا بس الشيخه ممكن اعرف طريقة الباميه وكم مره نستعملها في الاسبوع او في الشهر واهم شي ابي اعرفه شنهي فايدت هالطريقه للشعر والباميه اللي تقصدينها الحضره الي نحطه في الصالونه (المرق ) مشكوره وماقصرتي
  3. صاحبة الموضوع
    ام عزيزان
    مشكوره حبيبتي على النصيحه والحمدالله اني ما احط القبعه على اي زيت احطه براسي لان الحراره والتعرق يضعف البصيله وحتى بالحنه ما انصح انج تغطينها الا اخر نص ساعه من غسيلها واذا حابه تغطين غطيه بقطعه من قماش وهذا افضل وجزاك الله خير :2…
    تسلمين الغاليه ام عزيزان
    بس عاد شو تقولين اختج كانت محسبه روحه ذكيه طلعت :icon33:

    ومشكوره فديتج على النصيحه الزينه..

تابعي تجارب أخرى من هذا القسم.