شاركي في النقاش

سجلي الدخول لإضافة تعليق.

التعليقات

26
  1. @ghla_mysho

    صاحبة الموضوع
    ياخوات والله اني اجاريها واراعي شعورها انها تحب ولدي بس ليه حاقده على امي
    هي دايم تقول ابوك شباب توه ليه مايعرس << ترى ابوي مو شباب شايب عمره فوق الخمسين
    بس من قهرها من اميوالي تقول اكذب على ام زوجي على اي اساس حكمتي؟؟
    واذا انتي مرتاحه مع ام زوجك الله يهنيك بس لاتعمين
    وندري ان الدنيا دواره والحمد لله نفعل مايرضي ضميرنا
  2. مراه الزمن وش هالكلام تراني ما اسامحك قلتي عنا كذابات وش ادراك عننا
    اذا الله رزقك بام زوج طيبه وما هي غيوره تحكمين على كل الامهات كذا
    وش رايك لو ام زوجك توقف قدامك وانتي رايحه لاهلك وصار لك 4 ايام عنهم وهم قريبين يعني بالسياره 6 دقائق وتقول ما فيه روحه مين يسوي لنا العشاء مع العلم هي صغيره (يعني تجيها الدوره) وعندها 4 بنات اصغرهم بالكليه وشغاله وش تقولين هذي طيبه؟؟؟
    ولا كل ما تروحين مكان تلقين اغراضك منبشه تنبيش ما فيه شيء مو محرك من مكانه مع العلم ان زوجي معي والمفتاح معنا بس بسلامة السبيرات....
    ولما تسافرين وترجعين وتلاقين مافيه شيء ببيتك ا هو منبش الحيطان مخربش عليهم والفرش محروق علما ما عندي كوايه كوايتي على البخار كبس والترامس مكسره والبيالات سودا من الوسخ وش تقولين؟؟؟؟؟؟؟
    لا وسارقين سجادتي حقت الصلاة وتقول لي قدام زوجي الشرشف حقه ما يستر بالله وش اقول له بغيت اقول ثاني مره اخذ مقاسك وافصل عليه بس سكتت ويوم شفت سجادتي تقول شريته وش رايكم؟؟؟؟؟؟؟؟؟؟
    هذا غيض من فيض........وسلامتكم

تابعي تجارب أخرى من هذا القسم.