حوامل التاسع ؟ تعالو ندردش شوي

هلا بنات ...

احد صار له مثلي لما اكل وانام اقعد كاني فاطسه غير ان الثقل زاد واتعب بسرعه والانف عندي لما انام واقعد مااقدر اتنفس عدل كان بيجيني زكام ومايجي

ماادري احد صاده مثلي ؟؟؟

الله يسهل عليكم ويرزقكم الذريه الصالحه يارب

انا مثلك تمام واحس خشمي فيه حكه فظيعه كاني اتنفس غبار

هلا وغلا بكل الحوامل

والله زينتو الموضوووع يا اقمار

احس غني أرتاح لما اشوف مشاركاتكم حتى انسى تعبي

ونتونس وتمر الأيام ولا ندري إلا هوووووب في غرفة الولادة

بس خلونا نتناقش كل وحدة اش تسوي في التاسع

يعني إش مقررة تسوي :
تشرب خروع؟
قرفة؟
زعتر ؟تاكل تمر عسل او أي شي مجرب ممكن يفيدنا

ويسهل الولادة بعد مشيئة الله طبعا

إيه صح من فرحتي بشوفة ردودكم نسيت اقولكم

والله يابنات لي كم يوم الام باسفل بطني وظهري
تروح وتجي تقريبا تجلس تالمني نصف ساعة
بعدين تروح وترد بعد ربع ساعة أو أقل
بصراحة ما استحملت اخذت مسكن
غير كذا يا بنات اسهال الله يعزكم

من معاها نفس الاعراض

المهم بودعكم الحين ولما ارروح لموعدي 31/5/2005

القاكم واقولكم اخر التطورات

يالله بحفظ الله والله يهوون على الجميع

هلا بنات..

قبل اربعة ايام كان عندي موعد و الدكتورة قالت فيج تقلصات قالت اذا زادت تعالي طيران..و انا ما صدقت قلت خلاص قربتبولد جرييب و طلعت بالليل اتمشى مع زوجي ومن كثر تقلصات ما كنت قادرة امشي بس اجبر عمري و امشي غصب و لما رديت البيت الألم تبخر و لا كأن في شئ..ومثل ما تشوفون بعدني مداومة عندكم.. الله يسهل علينا..

للرفع