السلام عليكم ورحمة الله وبركاته
حبيت اطرح لكم الشي اللي بخاطري وقاهرني حيييييييييييييييييييل حييييييييييل
بنات انا متزوجه ولي ام زوج عسل واحبها واموت فيها ويشهد ربي على كلامي وباللي بقلبي طيبه مره مره لدرجة انو اي خلاف يصير بيني وبين ولدها تهاوش ولدها اللي هو زوجي وتطلعه هو الغلط وانا صح وتخليه يجي يراضيني
بس مره من المرات جت عندي ببيتي (هي بديره وانا بديره)ومره جت وجلست عندي فتره تقريبا اسبوعين وكنت حاطتها بعيوني ومقدرتها تقدير ومره من الايام قلت لزوجي خل نطلع للبحر نشوي حنا وامك قالي ابشري ماقصر...
جهزنا اغراضنا وطلعنا انا وهو وامه وعيالي...
المهم قالت هي بسبح بالبحر وهي مامعها ملابس قلت كيف بتجلسين كذا وملابسك رطبه بعد ماتسبحين..زقالت لا بدبر نفسي قلت براحتك
قامت وسبحت بملابسها وللحين كل شي حلو وانا رحت عند زوجي وهو يشوي وهي تسبح...وطلعت من البحر وفصخت ملابسها ولبست عبايتها وقالت حطي قميصي على السياره لين ينشف...قلت سمي ابشري
رحت انا وحطيته مثل ماقالت وبعد ساعه تاكدت انه نشف قلت بوزيه بشوف ردت فعلها وش بتسوي يعني مقلب ومزحه ولاننا دايم نلعب على بعض ونسوي بيننا مقالب...
بعد تقريبا ساعتين قامت تدور على قميصها وتدور مالقته قالها ولدي امي خبته في السياره وجتني وعيونها شرررررررررررر
اول مره اشوفها بهالموقف
قالت فلانه وانا عند زوجي تصوت لي واروح اركض قلت سمي قالت وش قلة هالحيا انا حرمه كبيره بالسن وجالسه من الايام عاريه ماعلي الا عباتي احتري قميصي ينشف واخ شي القاك حاطته في السياره قلت خاله مجرد مقلب وماسويت هالمقلب الا يوم نشف الثوب وانا اسفه بس هذي مزحه.. قالت مزحه الا قلة ادب وقلة حيا هذي حركه تسوينها فيني وجاء زوجي على صوتها قال وش فيكم قصرو صوتكم
قالت مرتك هالــــ(حقيره اللي ماتستحي) احتري ثوبي ينشف القاها موزيته وهي تكلم ذبت الثوب بوجهي انا وولدها قال ولدها يمه ناشف قلت اصلا انا ماوزيته الا يوم صار ناشف حبيت امزح معها اقولها طار ثوبك ياخاله بس..وهي انفجرت قلت خاله استهدي بالله امزح معك قاالت بلا (جودك وزين اصلك) تمزحين
تخيلو قدام عيالي وزوجي هالكلام انا بصراحه ضاقت فيني الدنيا وقلت انا اسفه وحبيت راسها وقاللت وخري عني بس وطول الوقت ساكته وماتعشت ونكدت علينا العشاء ويوم رجعنا البيت قالت والله مانانم عندكم وراحت عند وحده تعرفها نامت عندها ومن بكرا اتصلت بزوجي الصبح يوديها لديرتها والى يومكم هذا اتصل عليها ماترد علي!!!!!
بالله عليكم وبكل ذمه ومصداقيه انا غلطانه اولا....؟؟؟
شاركي في النقاش
سجلي الدخول لإضافة تعليق.
التعليقات
90- شوفي الحرمه الكبيره لاتلومينها داما اغلب ام الزوج تفهم غلط وانتي بلعكس شكلك بنت حلال واصل قايمه فيها على اكمل وجه ولك الاجر وتكبري بعين زوجك بس هي فهمت غلط او بردانه وتبغى الثوب بسرعه عصبت او عملت هلحركه عشان ماتحب مزحه زي كذا
وقومي بواجبك ولاكانه صار وانتي منتي غطلانه
تقبلي مروري - اختى المشكله ماهى من الغلطان المشكله لما نسوى مزحه مع واحد ما ندرى تقبله للمزح ولاوخاصه كبار السن ما يحبون المزح الى فيه كشف لشى هم يسترونه وما يحبون احد يشوفه والحريم خاصه كبار السن عندهم حياء ما شاء الله(وحدة اعرفها تقول امى كبيرة فى السن ومزحنا معها وطلعنا شيلتها قدام ابويه زعلت منا)شفتى كيف كبار السن لهم وجه نظر فى المزح وانه يكون معهم بحدود لانه صعب يكون هناك مزح مع من هم اكبر منك سن لختلاف افكارهم واراهم وهى زعلت من هذى الشئ على مااظن
انتى اتصلى بها وكان ما صارشئ واذا رحتى لها خذى هديه معك افضل - والله موقفك مضحك هههههههههه
بس صدقيني صدقيني انها ماتقصد وكله كلام بلحظات غضب
وتلقينها الان متحسفه ع الكلام اللي قالته بس حرمه كبيره وعزة نفس ماتبي توضح خطئها
انتم سيروا عليها واستسمحي منها حتى وانتي ماغلطتي
والله خساره تخرب النفوس ع خرابيط فاضيه - معلش يا اختى
انتى مش غلطانة ولكن هى فهمت الموضوع غلط وكمان انتى عملتى اللى عليكى وصالحتيها
اصبرى عليها فقط لحد لما تهدى وكررى المصالحة - من وجهه نظري مو غلطانه
بس فهمت غلط
مواضيع مشابهة
تابعي تجارب أخرى من هذا القسم.