خدامتي جابتلي الهم

السلام عليكم بنات حوواء اتمنى انكم تساعدوني

عندي خادمه سيرلانكيه لها عندي 5شهور وذابحتني بالتشكي والله مادري وش اسوي معها مره انا حلقي يعورني ومره اسناني ومره صدري مكتوم والحين انا مادري وش فيني مدام مااقدر اكل مااشتهي ماادري ليه وكل ماتشكت وديناها خلع ضرس ولا ادويه واليوم يوم قالت انا مااشتهي قلتلها وش تبيني اسوي انا مااعرف وش فيك
وكل يومين ثلاثه ابكلم عيالي وتعطيني فلوس واجيبلها بطاقات شحن على كثر ماجاني خدامات سيلانيات الا اني ماقد شفت مثلها بالكلام بالتلفون وامس تلحن على بنت اختها لمى كانت تشتغل بالسعوديه مات زوجها بعدين على طول وداها مستر سيرلانكا لانه تقول عندنا اذا مات الزوج لازم نروح على طول قلت طيب قالت انا زوج مادري وش فيه تعبان سوي عمليه بطن مره زوج كبير انا خايفه ...

والله احترت معها مادري اسفرها ولا اصبر عليها

22 تعليق 3,862 مشاهدة

شاركي في النقاش

سجلي الدخول لإضافة تعليق.

التعليقات

21
  1. كان الله بعونك ما جربتي تقولين لها انا بسفرك وأنتي بتدفعين قيمة التذاكر والفيزا وكل شيء تكلفت به عشان اجيبك

    جربي الله يكون بعونك
  2. صاحبة الموضوع

    المشاركة المقتبسة غير متاحة.

    مشكوره حبيبتي ام عبد الرحمن على مرورك لو اقولها ماعندها مانع احسها تحب كرامتها بقوه لاني قد قلتلها تبين تسافرين قالت اي بروح اسبوعين وارجع قلت لا مب على كيفك بوديك للمكتب قالت خلاص وديني ويجيبون لك غيري على كيفنا المكتب قلت لا انتي اذا رحتي لهم بيدفعونك فلوس ترى قالت مو مشكله جننتنيييييييي
  3. @kmlna

    الله يعوض علينا وعليكم كل ما نويت اقدم قريت عن مشاكلهم بطلت هم حسبي الله عليهم ما يدرون الواحد يدفع دم قلبه عشان يجيبهم يبي يرتاح من الشغل يتعب من همهم ولافيه حمايه لحقوق المواطن اوتعويض الله يغنينا عنهم بالعافيه
  4. صاحبة الموضوع

    المشاركة المقتبسة غير متاحة.

    مشكووووره على مرورك حبيبتي والله ذا الخدم حالتهم حاله هم تنحفظلهم حقوقهم واحنا بستين داهيه والله متخسره فيها بقوه:eek: وكم جلست لين جتني وانا زيك اذا قلت هذا ليش كذا زعلت وقالت انا نظيفه انا كويسه
    احسها اول ماجتني ماتتشكى ولا شي وتمدح نفسها بقووووووووه وبعد 3 شهور من جيتها اشتغل التلحين حسبي الله عليها مع ان بيتي صغير ومافيه الا طفلين واحد بالابتدائي والثاني بالتمهيدي يعني كبار ويفهمون بس انا مادري وش تبي بالضبط وحده من قرابتي قويه على الخدامات قالت جيبيها عندي كنك بعتيها علي بخليها تتحسف تسوي كذا معك قلت لا ماادري اخاف تهرب ولا تصيح لين نسفرها والله احترت وزوجي بعد انهبل منها........
  5. صاحبة الموضوع
    كملنا
    الله يعوض علينا وعليكم كل ما نويت اقدم قريت عن مشاكلهم بطلت هم حسبي الله عليهم ما يدرون الواحد يدفع دم قلبه عشان يجيبهم يبي يرتاح من الشغل يتعب من همهم ولافيه حمايه لحقوق المواطن اوتعويض الله يغنينا عنهم بالعافيه
    والله ياقلبي انك صادقه مشاكلهم تشيب بس الواحد وش يسوي محتاجتها لاني موظفه ...

    مشكووره على مرورك الكريم

تابعي تجارب أخرى من هذا القسم.