الشمم حقيقه ويسمى طبيا الالتهابات بالجرح اي جرح سواء ولاده او جرح عمليه او اي شي جرحك مو شرط بالولاده..
وهو انك تحسين بوجع ووخز ونبض في مكان الجرح ايا كان نوع الجرح سواء عمليه قيصيريه او طبيعي واذا رحتي للدكتور وكشف عليك قالك فيك التهاب بالجرح وعطاك مضاد حيوي هذا هو الشمم عليك بالمره والزيت زيتون والخواجوا اخلطيهم مع بعض وادهني بها مكان الجرح والله الذي لا اله الا هو وحده بوحده بأذن الله واشربي منقوع المره ...والعنزروت والكمون حطيهم مع قهوتك واشربيهم
البخور العود الاصلي يابنات ما يسبب شمم بأذن الله لكن خليك بعيده عن المكان اللي تبين تبخرينه يعني بخري الغرفه اللي بيجيك فيها ضيوف فقط واطلعي منها وكوني بعيده عن الغرفه وخليها تبخر قبل مايجونك الضيوف وبعدين هوي الغرفه علشان ما تنكتمين من الريحه وطفلك ايضا
يابنات ترى الشمم اذا تبلغ من الوحده مو زينه يسبب لها امراض الله يكفينا الشر والاطفال المواليد يشم عليهم العطور انتبهوا يا امهات ويسبب لهم التهابات بالسره
تجنبوا العطور الفرنسيه والقويه وبالذات العطور الرجاليه لانها مركزه وقويه انا لم كنت والده عند اهلي اخوي الله يهديه شباب تعطر وشميت انا والله يابنات انه من الوجع والوخز بالجرح ما اقدر اجلس بس رايحه جايه من الوجع لين امي الله يعافيها عطتني منقوع مره اشربه وحطت لي عنزروت وكمون في فنجال القهوه وقعدت اتقهوا والله والحمد لله مامرت ساعه الا وانا ولله الحمد مافيني الا العافيه وانقز
اتمنى انكن استفدتن من هذا الكلام والله الذي لا اله الا هو انه عن تجربه كل هذا الكلام اللي قلته وما ارجي به الا الفايده لان بعض الناس ما يعرفون وش الشمم او ما يؤمنون به وهذا خطأ انتبهوا
اتمنى من من تقراء كلامي وتستفيد تدعو لي بظهر الغيب ان الله يسهل لي ولادتي ويخلي لي والدي ووالدتي وعيالي ويرزقني الرزق الحلال
واي استفسار او سؤال انا جاهزه لا يردكم الا الكيبورد:26:
الشمـــــــــــــــــم ( أرائكم حول الموضووع )
متابعة النقاش، صفحة 5