تكفون الي تقدر تفيدني بشيء لاتبخلي علي الله يجزاها الجنه

بسم الله الرحمن الرحيم
كل عام وانتم بخير يابنات للعيدين الأضحى والفطر...............................:26:

وإن شاء الله إذا الله كتبلي هالسنه ابي أحج فتكفون اللي تقدر تفيدني بشيء أو تنصحني إيش احتاج في الحج تكفون لا تبخلون علي

11 تعليق 862 مشاهدة

شاركي في النقاش

سجلي الدخول لإضافة تعليق.

التعليقات

11
  1. @hlm_alhrayr

    هلا فيك الله يتمم حجك ويردك لأهلك سالمه غانمه
    حبيبتي لا تنسين بطانيه خصوصا هذي ايام برد
    شالات ثقيله عشان ماتجلسين بالطرحه وتدفيك كمان
    شنطه صغيرة للجوال تحت عبايتك
    او فيه حزام له درج تحطين جوالك ومصحفك مرة يريحك
    لإنك بتروحين عرفة ماراح تحتاجين الاالمصحف والجوال
    شاحن جوال
    (صابون بدون ريحه عشان ماينقض احرامك)للتذكير
    فرشه ومعجون
    مشط
    سجادة
    بيت مخده لإنه يمكن تكون المخده خشنه

    عابتين وطرحتين وكم غطوه وحبوب الحلق والفقس المص والفازلين مهم جدااااا بنادول 0
    ان شاء الله افدتك ويمكن تعرفين اكثر بس حبيت اذكرك

    إضافة لماسبق خذي معاك مناديل ديتول وشامبو الأطفال جونسون ولصق جروح وكمامات ومسحة طبية ومقص أظافر وأعواد أذن و شراريب ثقيلة وكيس قماش صغيرزي أكياس التوزيعات علشان حصى الجمرات ولا تنسي السراويل الطويلة القطنية منها ستر وتدفيك رحم الله المتسرولات وإذا أفتكرت شيء أضيفه إن شاء الله وتقبل الله منا ومنكم صالح الأعمال 0

  2. @hlm_alhrayr

    الله يعزك الكلوتات لا تاخذينها خوذي السراويل الفخاذيه القطن عشان الاحتكاك والحر وعشان انتي بتمشين كثير وتعرقين احسن لك هذي السراويل
    واهم شي الفازلين والفكس واهم شي الفكس قولي ليه؟
    عشان انتي بتمشين كثير وبتعورك رجولك ومفاصلك ولمى تجين المخيم بتكونين مررره تعبانه عشان كذا بتدهين رجولك ومفاصلك واللي يعورك
    الشي المهم خوذي معك شابوره او كيك او اي شي قولي ليه؟
    لاني انا يوم حجيت كانت للاسف الحمله مررره خايسه والاكل عندهم دمار ومررررررررره جوع
    وكبدك ماتتحمل الدسم والطبخ عشان كذا خوذي معك
    خوذي معك ادويه مثل بنادول مره يعني هذي الاشياء
    سجاده شرابات
    ايه صح شي مرررررررره مهم
    خوذي معك شرشف مخده وشرشف غطاء قولي ليه؟
    انا مره تندمت اني مااخذت لانك ماتظمنيينهم يكونون وصخات وحده تقولي فيها قمل عشان كذا انتي لازم تاخذين
    اممممممممممممممممممممممم وش بعد ياربي
    ايه صح شاحن جوال لاني مررره توهقت
    واهم شي اهم شي تبعدين عن الغيبه والنميمه لان هناك سبحان الله باالمخيم تكثر السواليف مع بعض وتكثر الغيبه والنميمه ابعدي عن هذا الشي
    وصح نسيت خوذي معك قران شان تقرين هناك
    وهذا كل شي واذا تذكرت شي ارجع واقولك

    والله يقبلها ان شاء الله وترجعين سالمه غانمه بأذن الله واي شي انا جاهزه
    بس لا تنسين من الدعاء الصالح والزوج الصالح

    دنتي بحفظ الرحمن


  3. @alaabk_1

    ماقصرت حلم الحراير ولاتنسين جزم مريحة للمشي افضل شي جزم رياضيه
    وشبشب للحمام تكون خفيفه

    وحج مقبول ان شاء الله
  4. صاحبة الموضوع
    الله يجزاكن الف خير.................ويجعله الله في موازين حسناتكن
    وعن جد ماقصرتي ياعلم الحراير ..............الله يرزقك بالرجل الصالح الي يريحكي دنيا وأخره
    وان شاء الله ماحنساكن من خالص دعائي

تابعي تجارب أخرى من هذا القسم.