مرحبا بنات
ياذويقات حابه تشاركوني بذوقكم ورايكم في غرفة المعيشة عندي غرفة معيشة طولها 4م وعرضها 4م طبعا الغرفة لجلسة العائلة فيها والتلفزيون والاكل بعض الاوقات وبقيت افصل لها كنب على شكل ل واختاريت القماش وهو بني وفيروزي وفية من القماش مقلم ومشجر وممكن اضيف له بني مخمل ساده بس محتارة في توزيع الالوان وموديل الكنب بحيث ان يكون عملي ومريح خاصه ان عندي اطفال وماشاء الله عليهم فيوجد موديل الي الظهر ماله متصل وثابت وهو زين عن عفسة الاطفال بس ان ماقدر اشيله واغسله وفي موديل الي الظهر على شكل وسائد مستطيلة مجزئه الي مع الاطفال مااظن تترتب بس تنفصل وتنغسل والله محتارة بينهم باريت تشاركوني برايكم واذا عندكم موديل عملي اخر تنصوحني فية وتذكرت في ستارة له
باسويها موديل رماني فاي احلى لون بيكون لها
ووردة لكل من ترد:26:
شاركي في النقاش
سجلي الدخول لإضافة تعليق.
التعليقات
13- السلام عليج
هلا ببنت داري >>عرفتج من رمستج
شوفي الغناة ,, خلي الكراسي لونهن كاكاوي ,, اما وين اليلسه خليه منقش كاكاوي وفيروزي
الستاير خليهن تركوازي سادة ,,, والزوالي كذالك
والسمووحة ,, - مشكورة بنوتة دبي على ردك وذوقك و
شدعوة بنات 198 مشاهدة للموضوع ورد واحد فقط
وانه انتظر ردودكم ورايكم وواثقة من ذوقكم - هلا فيج يالغاليه انا اقترح عليج تخلين الكنت مشجر والخدايات ساده باللونين البني والفيروزي علشان الاولاد مايبان فيه شي
والساتره يا فيروزي ساده ولا بني ساده اتمني اني قدرت افيدج
وصج خليه مفتوح يعني تقدرين تفكينه وتغسلينه علشان الاولاد والله يسهل عليج امورج يالغاليه - انا زيك سويت كنب لصالتي اللي هي غرفة المعيشه
سويت كنب على شكل ال
والظهر مخدات بس حسيتها مو عمليه كل شوي ارتبها
والالوان اللي اخترتيها حلوة
خليها اغلبها بني وبيج
وخلي التركواز يدخل بحاجه بسيطه كمفرش ناعم لو فازه على الطاوله او تحف على الرفوف او خدادايات للكنب - من رأيي تخلي هيكل الكنب ومقاعد الجلوس بني
الظهر خليه مقلم
والمخدات الصغيرة مشجرة
الستارة خليها تركواز
والسجادة كمان تركواز ولو فيها قليل بني ممكن
وبالنسبة لموديل الظهر خليه متصل عشان مو كل شويه ترتبيه
وتعملي من واحد من الاقمشة زي مفرش تغطي بيه الكنبة عشان ماتتوسخ وسهلة في الغسيل
وهذه صورة ممكن تقرب لك كلامي
مواضيع مشابهة
تابعي تجارب أخرى من هذا القسم.