للموظفات المتزوجات ... بالنسبه لوجبة الغداء فيدي واستفيدي

يازين قدر الضغط ولااحلى منه...

انا زوجي يجي متاخر فيمديني اسوي غداي بقدر الضغط واكبس الرز واقصر عليه وانام لحد مايجي او تبل من اليل دجاج او اللي هو وقبل يجي يدق علي واسويه تورتيلا او شاورما

ذكرتيني بايام الدراسة شوفي انا كنت اخطط قبله ياسبوع وبعدين دايما حاولي تفرزين يعني اذا سويتي حمسة المعكرونة زيديها المرة الجاية بس راح تسليق والحمسة جاهزة بس زيديها صلصة وحتى الطمام والبصل والثوم حاولي تفرمينهم وتفرزينه وبعض المرات اصلي الفجر واطبخ او نص الطبخة ولمن ارجع اكملها اختاري الاكلات السهلة والي بالفرن اسرع

فيه أكلات دسمه ولذيذم ومنقذه
بالنسبة لي الأكله اللي في بالي اللحين :
دجاج تقطعيه 6 أجزاء أو 8 أو أصغر على كيفك وقطعي الخضار بالطول أرباع (كوسه وجزر وبطاط وباذنجان وفلفل رومي وفلفل حار بدون ماتقطعينه )وحسب الرغبة يعني أنا من كل نوع أضع حبه والكوسه 2 والبطاط أكثر لأن اللي عندي يحبونه وطبعاً كله في قدر الضغط ومعه ملح وفلفل أسود وبهارات وبدون ماء وبدون كشنه وبتلاقي قيه شوية مرقه من الدجاج وخليه عشرين دقيقه على نار هاديه أو لحد مايستوي الرز طبعاً قدميه وكأنه صينية دجاج بالخضار في الفرن والله روووووووووووووووووووووعه وأعطيت كثير من صاحباتي وأعجبهم
ملاحظه هذا الطبق نتيجته مضمونه وأنت عدلي وبدلي يعني إذا كنت مستعجله خليه ذا ساده وإذا عندك وقت زيدي عليه كشنه ومره بعد مايستوي صبيه في بايركس ودخليه الفرن بس يتحمر من فوق أنت وشطارتك وصدقيني طبق رئيسي ودسم وصحي

والله انه تعب انا طالبه وحامل ومااقدر اصلح شي من التعب اجهز كل شي من الليل احسن وارتاح لاني احيانا ارجع البت ويكون زوجي موجود وانا مااقدر انزنق بالوقت اتوتر
وارتاح كل شي من الليل وبس موب لازن تشكيل اخر الاسبوع اشكل بس الله يعين يارب