معاناتي !!!!!! وانتظر وقفتكم معي.

بسم الله الرحمن الرحيم
اتمنى من المشرفات قبل العضوات انهم يوقفون معي ولا ينقلون موضوعي عشان يطلع عليه اكبر عدد من الاعضاء
بنات وقفوا معي الله يجزاكم الجنة وقولوا لي هذي وش اعراضة لأني تعبت نفسيا واحس اني بنهار
انا كنت طبيعيه ومافيني شي اقرا القران واصلي الرواتب واقوم الليل ان تيسر لي ومن فترة انتبهت لنفسي اني اذا بغيت اقرا قران ما أقدر لازم يجي شي يصرفني عن القراءة احيانا اقوم ابقرا وتجيني الصوارف ولا اقدر اصرفها وما اقرا الا بعد ايام اواسبوع من النية
ومن رمضان صار يجيني احساس غريب اذا كان زوجي بالبيت احس اني بصرخ وبرمي طفلي من يديني واحس اني بنهار وبطيح ما أدري ليه والله يابنات اني بالقوة اتماسك وبسرعه اقوم ركض من عنده لغرفه ثانيه
انا ماقلت لزوجي عن الي احس فيه ولا لأي مخلوق لأني احس اذا بقول لأحد خلاص ماني قادرة امسك نفسي وبنهار ويكون الامر جدي ويوم جيت اكتب لكم الموضوع بكيت بكيت لين تقطع قلبي احس براسي زي النار
انا لبسي ساتر ولا اسمع اغاني لكني مقصرة بشده في حق ربي بس عجزت اضبط نفسي احس اني تايهه ايامي تروح من غير ما احس فيها
اعذروني اذا كلامي حوسة ومو مترابط عجزت اركز بس انتظر مساعدتكم على احر من الجمر
الله يحمينا واياكم من البلايا والاوبئة ويرحمنا برحمته

40 تعليق 3,826 مشاهدة

شاركي في النقاش

سجلي الدخول لإضافة تعليق.

التعليقات

38
  1. @anys_alklb

    الله يعينك ويشفيك غاليتي

    طيب ليش ماتروحين لشيخ يقرى عليك وصارحي الشيخ ووصفي له الأعراض اللي تحسينها
  2. @yasrh

    حبيبتي الله اعلم لاااااازم تروحين شيخ لاتسكتين على نفسك
    حالتك معروفه ويبغالك قرايه كل يوم لين الله يشفيك
    ارجوك لاتهملين نفسك
    الله بشفينا وياك والمسلمين
  3. @ansanh1

    عندكم عامله بالبيت ؟؟
    طيب اذا قريتي قران عادي ؟؟

    طيب زوجك تجلسين معه عادي ولا تحسين بشئ؟؟
    نفس الشئ طفلك ايش تحسين فيه؟؟
    جاوبي على الاسئله لعلي افيدك بشئ الله يرفع عنك يارب
  4. @anyn_alghrbh

    لاباس طهور ان شاء الله
    يالغاليه القران شفاء فارقي نفسك بنفثك
    والحبه السوداء شفاء من كل داء الا السام
    وماء زمزم لما شرب له وانوي بالدعاء قبل شربه واشربيع على عطش واسالي الله ماتريدين من خير الدنيا والاخره
    والصدقه ولو بالقليل فربما درهم سبق الف درهم
    العسل مقري فيه لحقه صباح ولعقه مساء وضعي على كل ملعقه سبع حبات حبه سوداء
    كل هذه الامور فيها برحمة الله سبحانه شفاء فجربيها
    شفاء الله وجعل مصابك تكفير لذنوبك ورفع لدرجاتك

تابعي تجارب أخرى من هذا القسم.