طليقي يامرني ان اعتذرمنه اعتذر او لا؟

السلام عليكم ورحمة الله اخواتي العزيزات
انا تزوجت العام الماضي ولم يدوم زواجي سوى اربعة اشهر واغلبها كنت في بيت اهلي المهم على ابسط خلاف بيناا ركض للمحكمه وطلقني . كلم اخوي وقاله روح خذ ورقة طلاق اختك انا صليت صلاة شكرلله سبحانه ووكلت امري على الله بعد اسبوعين من طلاقي بدى يتصل علي ويرسل رسايل ويبي مني اسامحه وارجع له وللاسف صدقته وبعد كم يوم من الاتصال بينا قال لاانا مابيك ولاابي ارجع لك وظل على هاالحال الاماانتهت العده وهو يتلاعب بي وبمشاعري . وبعدها انا رحت بطريقي وتركته لله ولا فكرت فيه وبعد مرور5 اشهر من انقضاء العده ارسل رساله يقول انا بكلم والدتك لاني ابي ارجعك رديت عليه انت متاكد من كلامك ولا مثل كل مره قال لا متاكد وابي ارجعك وبتقدم لك من جديد انا بسافر كم يوم لما ارجع بجيكم قلت انا خلاص بنتظرك وسافر ومر شهر ولا جاء المهم اتصل يسلم ورديت عليه افكره يقول انه بيجي على وعده قال لا انا راجعت نفسي وغيرت رايي ولاابيك ولااحبك قلت انا طيب ليه تتلاعب بمشاعري وتعشمني وانا كنت شاريتك قال خلاص هذا اللي صاير ثاني يوم دخل علي على المسنجر وقال ابي اتكلم معك وغلطتي اني اتجاوب معه ظننا مني انه مو قادر يستغني عني واحنا نتكلم على المسنجر كان قاعد يكتب لي كلام رقيق ويذكرني بالايام الخوالي طلب نتكلم مايك وفتحت المايك وقلت بروح اجيب السماعات لما رجعت كانت المفاجاة سمعته يتكلم على الجوال مع خطيبته وهو يفكر اني ماراح اسمعه الا بالسماعات واني لسه ماشبكتها اصلا وسكت انا وسمعت كل الكلام اللي قاله كتبت له على المسن حسبي الله عليك الله لايسامحك وين ماوجهت وجهك تلعب بمشاعري وهذه سواتك انت اخر رجل افكر فيه انت نكررررررره الان بالنسبه لي ورحت وتركته وثاني يوم راسل رساله يقول انتي لازم تعتذرين لي عن تصرفك وكلامك اللي قلتيه لي .. ارجوكم لاتلوموني لاني عارفه الغلط راكبني من راسي لساسي ولاني ناقصه ملامه . وش رايكم ارد عليه ولا احقره وخاصة اني طالبته يرد لي ساعه تخص والدي الله يرحمه اعطيته له هديه في بداية زواجنا كنت فاكره الطيب ينفع مع هالاشكال وانا هددته قلت له اذا ما وقفت رسايلك لي بكلم زوجتك الاولي وبشكيك عندها واخرب بيتك لكن والله ماعندي الجراة اني اسويها ....... ارجوكم انا انتظررايكم بقصتي ...... دمتم بخير

119 تعليق 11,134 مشاهدة

شاركي في النقاش

سجلي الدخول لإضافة تعليق.

التعليقات

114
  1. اعتبري هالانسان مو موجود فهالحياة .. وتجاهليه..ولا تكررين غلطتك بتجاوبك معاه
    وتراه رجال اجنبي عنك يعني حرام تكلمينه
    الله يعوضك احسن منه
  2. @asrar_alghla

    خليه يولي بدون رجعه صكي كل البيبان اللي توصله غيري تلفونك وايميلك
    والا خلي احد من اهلك يتفاهم معاه لان الرجاجيل مايخافون الا من الرجاجيل اللي مثلهم
  3. @bnt_hmol_2

    اسرار الغلا
    خليه يولي بدون رجعه صكي كل البيبان اللي توصله غيري تلفونك وايميلك والا خلي احد من اهلك يتفاهم معاه لان الرجاجيل مايخافون الا من الرجاجيل اللي مثلهم
    غاليتي نصيحه انسيي انه كان زوجك بكون قاسيه معك شوي بس نصيحه من محبه لك في الله انتي تحبينه وهو ما يبغاااااااك :( بس يبي يوضح للزوجه الثانيه انك ميته على حبه وانه شخص محبوب من البنات :22: لكن انسييييييييه واللي باعك وطلقك وفي المحكمه ينباع بترااااااااااااااااااااااااااب:angry2: وانتي ربي بيعوضك بأحسن منه بس بشرط؟؟؟ ان تلجئ الى الله وتطلبينه التوفيق والخير لك والساعه اللي تبغينها الهديه خلاص عيب تطلبين
    الساعه عزي نفسك وهو لو ولد ناس شبعانين بيرجعها لك
  4. @shyokhha

    قليل الادب غيري رقمك وغيري ايميلك ولاعاد تعطينه مره ثانيه هذا لو يبيك كان رجعلك من اول ماقال برجع لك مو كلش شوي يقول برجع ثم يهون حسبي الله عليه يلعب بمشاعرك بس احمدي ربك انك ماجبتي منه اعيال ولاترجعيله والله يرزققك بالي احسن منه

تابعي تجارب أخرى من هذا القسم.