فكره لهدايا التوزيعات ... خاصه بالاعراس

@mazioonah

السلام عليكم ورحمة الله وبركاته

اخواتي الغاليات بنات حواء :27:

هذا اول موضوع منفصل لي عندكم وياليت ما تردوني خايبه :( لاني احس انكم انتوا اكثر من بيفيدني في طلبي هذا

انا مقبله على الزواج :icon28: (( عقبال كل البنات يا رب )) وفي نفس الوقت هذا اخر كورس لي في الجامعه (( عقبال كل اللي يدرسن بعد :) )) ... وعرسي بيكون في الاجازه الصيفيه ومركزه فيه على الشريه لاني للحين ما بديت في الطلعات ... وخلال هالمده خاطري اسوي شي مميز كنور من الهدايا التذكاريه ومن شغلي على اساس يدل على الاهتمام وهذا احلى من الامور الروتينيه اللي تتقدم في الاعراس ... وللعلم انا متوقعه انه في عرسي بيكون في حلاوه ادور على المعازيم من احد محلات الحلويات الجاهزه ... بس اللي اريد اسويه شي اضافي يعني عالاغلب شي غير الحلاوه

عاد انا رحت اخذت 10 ورارات تور مخرم من اللون العنابي و10 من السكري وورود حمرا وبيضا لكن للحين ما استقريت كيف ممكن اطبقها بشكل حلو ... فحبيت من الاخوات المشرفات على قسم الاشغال اليدويه والاخوات المبدعات في هالمجال انهم يفيدوني بافكار مطبقينها بنفسهم ويحسون انها ممكن تكون سهله لي كمبتدأه تريد تسوي توزيعات هدايا مضمونه انها تطلع كشخه في عرسها (( مع العلم اني على استعداد للتعلم واطبق افكار متفرقه بس مب بكمبيات كبيره طبعا ))

طبعا بالنسبه لي إذا ضاق الوقت اقل شي بسويه هو اني الف الهدايا بارتب شكل اقدر عليه واحط شي بسيط داخل ... ولكن اذا عندكم الشي اللي يستاهل التعب والله اني ابغيه ... وللعلم انا للحين ما اخترت الربطات ولا اعرف كيف بستغل القماش وشفت وايد طرق لكن قلت خلني اطرح موضوعي بشكل منفصل عل وعسى القى توجيه مباشر لي يفيدني تحديدا في استغلال اللي اشتريته او الزياده عليه بشكل حلو ويخلي اسلوب التوزيعات حلو

بليز بليز بنات لا تكسرون بخاطري

والله ينولكم مرداكم يا رب ويوفقلكم كل الخير

اختكم المزيونه

16 تعليق 2,586 مشاهدة

0 0

شاركي في النقاش

سجلي الدخول لإضافة تعليق.

التعليقات

16

  1. @gh0d0o0d0

    السلام عليكم
    أختي توجد فكرة أنك تحضري ( بيض الحمام ) و تشدي قماش التل علية و تجمعى كل خمس بيضات مع بعض و تضعيها بجانب الوردة على الغصن و تصبح وردة صغيرة بجانب الكبيرة

    طريقة عرضها في السلات تكون بشكل عامودي و تظهر السلة مثل حديقة الزهور

    بحاول أنزل لك صورة حتى توضح الفكرة ( أذا وجدتها )

  4. @mzon_dby

    مراااااااااااااااحب ياوردة الصحراء
    ياريت لو تخبلايني من وين أقدر اشتري مثل هذا الهدايا الروعة لأن زواج أخوي خلال هذا الأسبوع وماعندي وقت كافي ياريت لو تدرين عليه بأأأأأأأأأأأأأأأأأأأأأأأأأأأأأأأسرع وقت ممكن وحتى أنتن يا أخوات ياريت لو تخبروووووووووووووووووووووني
    ويجزيكم الله إن شاء الله أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأألف خير ويبارك فيييييييييييييييييييييييييييييكم جميعاً بدون استثناااااااااااااااااااااااااااااااااااااااااااااااااااااء
    أختكم مزون دبي

تابعي تجارب أخرى من هذا القسم.