السلام عليكم
مبروووووك على التجمع الحلوووو
باسااعدكم بالي اعرفه ... ابتدي باسم الله
بالنسبه لكوفيره تجي للبيت جربت مشغل نجد .. مش دار نجد .. لا مشغل نجد يرد عليك سوداني وتطلبين كوفيره على حسب طلبك سواء حف ولا تشقير ولاقص وتمارين رياضيه يسوونها الك بالبيت باشتراك شهري.. ويوصلون للبيت عندك على الوقت .. الموضفات فلبينيات روعه روعه روعه في كل شي
بعد فيه كوفيره اردنيه الي تبي رقمها عندي .. بعد روعه وفيهاا ضمير يميزها عن باقي الكوفيرات واسعارها روعه وبسيطه
هذ1 الي اعرفهم من كوفيرات
بالنسبه للملابس :: الخياطين جربت الامبراطوره روعه وبعد وجدان حلوو وكلهم في السويكت
الاقمشه : البازار لايعلا عليه بس ناار .. ونفس خامات ايلي صعب وكل المصممين يجيبهم مش تقليد لا اصلي بس غالي .. والعيسائي بعد غالي بس فخمه اقمشتهم
ملابس الاطفال : ماعرف غير هالماركات وكلها نفس الموديلات المتكرره خاصه فساتين البنات
والي تعرف فساتين راقيه تدلناا الله يخليهاا
بالنسبه للحامل :عندها محل اسمه روز في الواحه والحياه بلازا وشارع الحب عنده اطقم استقبال للنفاس .. وقمصان استقبال للام والبيبي طقم روعه واسعاره رخيصه جداا
بالنسبه للخضار والفواكه :: سوق الخضار في الدمام بالقرب من الحياه بلازا
بالنسبه للمعجنات : دره الارياف لايعلا عليها .. والمعامير رووعه بالخبرر ومميز جدا
بالنسبه لمقاضي البيت من مواعين غريبه وصواني : جربت محل في اول شارع الحب على جهه اليسار جنبه محل ملابس جاهزه .. عنده اشيااء روعه وغريبه ومميزه .. بعد في اخر شارع الحب من جهه الاماره كلها محلات مواعين مميزه وغريبه
بالنسبه للجزم وانتم بكرامه : فيه محل في مجمع الظهران عنده صنادل وجزم مميزه واسعاره على 180 ونازل بس شي راقي .. غير باقي الماراكات الي معروفه واسعارها النار داايم.. بس ماعرفت اسمه ناسيه بس على جهه اليساار وانتي داخله السوق
واذا تذكرت شي برجع اكتبه
الحين ابي اطلب طلب : من يعرف محل يبيع طاولات لغرف الجلوس بس تكون اسعارها حلوه
وابي محل يبيع لووحات وديكورات بس اسعار معقوله
تحياااتي
(الدلع شرقــــــــــــــــاوي) أول تجمع لبنـــــــ الشرقيه ـــــــا ت
متابعة النقاش، صفحة 28