فراح اكتب اللي اذكره
أذكر انكم سألتو عن الجواتي .. غير المحلات اللي قلتو عنها فيه شي مااتوقع قلتوه
لأني سنعة بقولكم شنو
أ) الجواتي والشحاحيط(تكرمون)
فيه وحده عروس يوم كانت اتجهز ، على حجيها والله اعلم طخت لها جواتي بـ40د.ك !!! تخيلو من وين؟
من القيصيرية (الحوش) اللي يصير مجابل مارك&سبنسر ، شوفو آنه اقولكم المكان يلوع الجبد ومايساعد ، بس اللي اتدور تلقى ان شالله خصوصاً ان الشي يحتاج إلى شغلتين بسيطتين (ذوق+ذكاء=مشترية ذكية) ------> شلون اتصيرين ذكية ؟ :02: آنه اقولج اتروحين السوق عادي اتسوقين واتشوفين البضايع اللي نازله اللي اتكلم عنه بهالنقطة الجواتي -كرمكم الله- فتروحين اتشوفين اللي موجود لاتشترين بس شوفي وطالعي الاسعار زين؟ وروحي القيصيريه بتشوفين نفس الموديلات او قريبه أحياناً غريبة بس حلوة انزين وسعرهم ان قطع روحه 12 لا وايد عليه :) لأن فيه شحاحيط على 5 :12: ..بس خلصت القصة وملصت
ب) اهدوم ... هم نفس الشي تحتاجين تكونين مشتريه ذكية ..
خل أقولكم الشي اللي خلاني اقرر عقبه اروح المكان اللي بقولكم عنه قبل لا اشوف البضايع اللي بالسوق ..
في يوم من الايام راحت السنعه المهلب شرت تنوره بالتعش عاد شوفو يا12 يا 15 الله اعلم المهم رحت يوم ويا امي ((الشمالي)) بشتري لي كورسيه نسيت والله حق عرس منو المهم مرينا على محلات مكتوب عليهم اي قطعه بـ5 !! آنه بس شفت الفترينه عورني قلبي تنورتي اللي شاريتها بالتعش القاها بـ5 ... الفرق بسيط ان صناعة تنورتي ميد إن ليبينون والتنورة اللي بالشمالي ميد إن كويت ... :44: ، ياناس شجعو صناعاتكم الوطنيه;)
وهم شفنا قميص في كوكاي بـ15 او 20 ... بعد فترة وجيزة لقيناه اصبابه في الشمالي ... اتوقع الحين بتصيرون مثلي :31: -----> حقدت على السوق خلاص
جـ) اكلونيات وعطورات
بالنسبة للكلونيات ، نصيحة اخت اتحبكم ، مو أي كلونيا يديده تشترينها .. عادي ترى تشترين قديمه .. على طاري القديمة شفتو اسكادا اسبورت ؟ الزرقا مو الخضره وع من يوم انزلت لين يومكم وآنه كل ماخلصت اشتريها -----> موصاحية ، المهم مثل ماقلت لكم اذا اعجبتج الكلونيا ماعليج من الناس ليقالو قديمة اهم شي ريحتها عاجبتج ترتاحين منها بس طنشي ماعدا ذلك (حلوة ماعدا ذلك) ، ترى مو قاعده اقولكم لاتشترون يدد لأ اذا فيه يديده وحلوه ليش لأ :)
العطورات والبخور والخلطات ...
احنا زباين العبدالمحسن .. له افرع وايد فيه بالنزهه وفيه بقرطبه وفيه الخالدية الفرع الرئيسي لهم ... تقريبا هذول الفروع اللي اتذكرها.. البخور ترى مايغشكم فيه سئلو مجرب ، بعض المحلات الله يصلحهم يحطون خشب يغطونه بخلطه ولمن اتشبون البخور اتشمون اول شي ريحة بخور ثواني ولا اقلبت ريحة خشب
قرقت عليكم ميخالف بس ان شالله برد اذا ذكرت شي
لبنات الكويت
متابعة النقاش، صفحة 5