يا اختي طريقتك هذي فيها مخاطرة شديدة لفروة راسك
وانصحك لوجه الله توقفيها
ماينفع تسوي جروح صغيرة او خدوش لفروة راسك وتفكري انها الطريقة الاسرع للثوم عشان يخترق فروة الراس ويجيب نتيجة
بالعكس .... الجروح والشطوب في فروة الراس ممكن تلتهب لاقدر الله ويصير التهاب بكتيري وبكذا تخسرين شعر اكثر وممكن تعرضي جلدة الراس لالتهابات وقروح .
عشان اثبت لك صحة كلامي ..... لاحظي توصيات اطباء الجلد واخصائي الشعر في المقالات والمجلات وحتى المنتديات كيف يوصون عند تدليك فروة الراس ان تكون بالاصابع فقط ونتجنب خدشها بالاظافر عشان ماتسوي خدوش تلتهب وتجيب نتايج عكسية بعدين .
اما بالنسبة لملمس المكان المجروح وتقولين تحسين فيه شعر صغير بدا يطلع ..... اعذريني ..... بس ما اظن ...انتي تحسين بملمس مختلف لانه ملمس الجلد المجرح واللي بدا يلتئم فتحسين مثل دبابيس صغيرة .... والشعر اللي تشوفينه هذا ممكن يكون بسبب الثوم والتدليك لفروة الراس بس ماراح يطلع بسبب جروح الموس ..... شوفي البنات عارضين تجاربهم باستعمال الثوم وكيف انه يفيد بتنبيت الشعر للبعض .. يعني مو شي جديد نسمع به عن فوايد الثوم للشعر .
نصيحتي لك تبغي تكملي على استعمال الثوم كملي ...... بس الموس وقفيه
والكوافيرة التونسية اللي عطتك هالنصيحة خليها ليها ...... اتحداها لو وافق عليها اي مصفف شعر بالعالم او طبيب جلدية او حتى حلاق بنغالي .... مدري من وين جابت هالفكرة الغلط .
زراعه شعر ببلاش وبالبيت وبالخطوات وبالصور
متابعة النقاش، صفحة 76