شاركي في النقاش

سجلي الدخول لإضافة تعليق.

التعليقات

20
  1. @mlk_alhb52

    أنا لما صبغت شعري بصبغة غارنييه بالفواكه
    حرقت شعري حرق وخلته متقصف جداً وصارت الشعر مقصفه من النصف ومتكسر, وهذا على الرغم بان شعري ناعم جدا .
    ولكن استعملت كل يوم حمام زيت فاشكول بالثوم مع البخار الحار, ولله الحمد والله شعري اتعدل ورجع مثل أول :42:
  2. @hnyn_alsbaaa

    من تجربتي الشخصيه
    انا مازان شعري الابعد ماستخدمتله جوزالهند الاخضر اللي علبته حديد
    حق الهنديات ريحته موحلوه..استمريت عليه لمده شهر كامل يوميآ
    وبعده صرت استخدمه بالاسبوع مرتين
    لحدماصارلي شهرين شهر متواصل وشهر منفصل
    وبعد هالشهر استخدمت زيت عافيه مع الثوم والحلب نقعتهن لمده 10ايام
    والحمد لله زان شعري عليهن مره وصار احسن من اول بس الريحه يــــع
    مع البخور تطلع ريحته حلوه..
  3. @thewife_1

    انا شعري جاف لحد الحين وهذا طبيعته وش اسوي بس الحمدلله الحين شكله احسن

    انا الى قبل سنتين وهو جاف ومقصف ولمعته قليلة وكان لونه اشقر غامق ما كان شين مرة اللون كان حلو بس الي يقرب منه يخاف من التقصف يعني كان شكل بس وكنت اعيد اللون بمعدل كل شهر او شهرين تقريبا

    فجأة حسيت اني كنت قاسية على شعري وفكرت بجد اني اهتم فيه وارحمه من هالصبغات والحوسات

    رحت وش سويت صبغته بني متوسط ........طبعا اعطاني شبه اسود والغرض كان اني اخفي اي لون يبين التقصف ومعروف الشعر الي لونه غامق يعطي مظهر صحي اكثر وبكذا ما اظطر اصبغ جذور ولا شي مثل اول ...وبعدها بشهر بديت بالحنا والغرض من صبغ لشعري اولا قبل كورس الحناء عشان الحناء مع الالوان الفاتحة يعطي اورنج برتقالي مو حلو المهم مرة احط معاه قرنفل وزبادي وزيت ومرة اعجنه بشاي مرة احط معه عسل شوي المهم الحناء هو الاساس بس ما حطه لحاله ومرة اخلط كل شي ما في مشكلة وبعد ما اخمره 4 ساعات واحطه على شعري 3 ساعات اغسله بماء فقط وادهنه بزيت املا وفاتيكا جوزهند وليمون العلبة البلاستيك الاخضر الفاتح واخليه وقت طويل عشان يروح الجفاف واغسله بعدين بشامبو وبلسم واسرحه عادي او استشوره احيانا عادي طبعا عشان الريحة ابخره او اعطره بخمرية دهن العود المهم الريحة مو مشكلة ..واحط حمامات زيت بالبيت احيااااانا مو دايم لان عندي جهاز حمام زيت كنت احط الحناء كل اسبوع كل اسبوعين متى ما حسيت اني اقدر والحين صرت بالشهر مرتين اول فنره كنت ازهق واطفش بس الحين الحمدلله تعودت والله شعري فرق الحين انا مخليته قطعة وحدة مو جمال خارق للعادة بس الحمدلله مقبول على الاقل صار في لمعة ورجع شكله صحي وفيه تموجات عنابية ........وبقول شي مهم في فترة علاج شعرك اصبري عليه وخليه يطول ويتلاحق لا تقصينه ابد عشان يعطيك شكل حلو والله ان امهاتنا وجداتنا يوم يقولون خلوا شعوركم ولا تقصونها تروح بركتها كانوا صادقين ترا شعر المرة تاج

    فأنا تجربتي مع الحناء حلوة وان شاء الله ناوية استمر صحيح يقولون الحناء ينشف لا والله اذا انتي ترطبنه بزيوت حمامات زيت وانا ارد واقول اذا الحناء ينشف اجل الصبغة وش تسوي والله انها تقتل الشعر طلعت لي شيب وانا ما فيني

    ونصيحة الي تنبي لون شعرها او تحب التغيير وخايفة على شعرها ينضر او هي تستخدم حناء تحط خصل خفيفة بطاقية لشعر خصل خفيفة مرة بيعطيك لون انعكاسات نحاسي خفيف اذا انتي تحنين وتركه افضل بعد اما صبغة كاملة حاولي تتجنبينها ...

    قولوا امين الله يصبرني عن الصبغات انا احبها واموت فيها بس مع الحناء صار شعري شكله افضل كثير

    جربي منتي خسرانة شي

    اسفة على الاطالة
  4. @khlt_aatr

    مشكوره اختى the *wife
    والله انتى تكلمتى من قلب ناصح ويعطيك العافيه عليه
    وكلااامك صح
    بس انا الحنا نفعته الوحيده لى انه ينظم الدهون ويعقم فروة الراس
    لكن ما يصبغ شعرى عليه ولا يكثره
    ومع الشيب المشكله كبرت فمالى الا الصبغ
    والحين من تجربتى لقيت ان الاهتمام بالشعر بعد الصبغ مهم جدااا
    والاخت لوما الكثومه ما قصرت افادتنا كلنا
    عموما الانبولات متوفره بكل صيدليه الى تخفف من التساقط وتساعد عن الشعر ينمو بسرعه
    انا من تجربتى انبولات كرستاس اللى حطتها الاخت من الامارات بالصفحه الاولى ما قصرت حلوة وجربتها
    والحين اجرب انبولات اكرينال بوصفه من الدكتوره
    ولاطراف الشعر فيه كريم معصار من ماركة فيتو بالسبع اعشاب مررره حلو يعالج التقصف ويلين الشعر
    وقص اطرافه كل شهرين زين للشعر لانه يساعد على تجدد الشعره
    وعلى فكره بنات
    فيه مركز لازارتيك اللى يعالج الشعر معالجاته شفت نتايجها بعيونى على اختى بس غااااالى

    وشكرا لكم

تابعي تجارب أخرى من هذا القسم.