أول مرة أشيل شعر وجهي ....ساعدوني

اهلييييييييين والف مبروك مقدما
بالنسبه للوجه الله يعينك لأنه حساس
لكن نصيحه أول ماتشيلي وجهك ادهنيه بعصير ليمون....أو ليمون مع ماء ورد...أو ماء وردمع ليمون مع نشاء
لأن الليمون قابض للمسام وقاتل للجراثيم والبكتيريا
حتى لو ظهرت حبوب تكون خفيفه
وانا مره سمعت عن المسحه الطبيه انها تمنع ظهور الحبوب لكن للامانه ماجربت الطريقه
وبالتوفيق

عليكم السلام ورحمة الله وبركاته

هلا والله بعروستنا اليديدة عسى الله يوفقج وييسر لج امورج :) والفال ياربي حق باجي البنيات ..

آنه ماحب اشيل ويهي وأفضل التشقير على الحف (سواء خيط أو شمع) لأن بالنسبة لويهي الخيط يطلع عقبه حبوب والشمع يتشلع ويهي ويتتفخ .. ماتسوى علي .. ياحلو التشقير عقب الاكسجين اغسل ويهي بماي بارد واحط كريمي .. وربع ساعه الا ويهي جنه البخت .. واحس بعد ان يفتح البشره :) ---> قصة حياتها

عموماً على حسب بشرتج .. وآنه افضل إنج تشيلين بخيط إلا إذا الصالون اللي بتروحين له شطار :) جربي الشمع .. لأن جم وحده تمدح الشمع وتفضله على الخيط بشرط الشطاره وإلا لاتجازفين

اما عاد الشيرة(الحلاوة) :D عادي على قولت البنيات تخيلي شكلج عقب شلون راح يكون روعة ..

إذا كنتي انتي اللي تشيلين : فردي الشيرة على الجلد مع منبت الشعر .. بعدين نزعي الشيره عكس الشعر ---> عشان الشعره تنتف من عرجها :) بس إذا شلتي مع منبت الشعر راح تنقطع :( وبعد فتره قصيرة جداً راح تشوفين الشعرة طالعة مره ثانية

اي صج نسيت لا اقولج .. عقب الحف حطي مثل ماقالت الاخت ماسة .. وفيه بعد كريم بس اشوف لج اسمه

شيلي بشمع انظف واحسن واسرع بس لازم تحطين ثلج على طول بعد ماتسوين الشمع عشان مايحمر وتطلع لج حبوب ولما توصلين البيت حطي روب وخليه 10 دقايق وغسليه عشان لو بشرتج حساسه ممكن يبرد على الوجه ويريحه....سوي الشمع قبل ب3 ايام احسن وترى الشعر بعدها بيطول مايطلع الا بعد شهرين

السلام عليكم
تسلمون حبايبي كلم الماسة ومجموعة أحاسيس وام ياسمينا الله يجزاكم خير
بس الليمون بعد الشيل مايحرق مررررررررررررررره ماادري بس أشوف الثلج يبرد أكثر وتسلمون على الرد
سبحان الله وبحمده سبحان الله العظيم