بنات الرياض دلوني على مراكز تعليم سباحه

بالنسبة للاخت الي تسأل عن مركز الامير سلمان فيه سباحة بس طابور بالدور
والاخت الي سألت عن مخيم الاطفال شرق الرياض اذا تقصدي حي الشفا وغيره انسي مالك الا المناهل فيه مخيمات للاطفال تجنن اذا متوفرة الموصلات لك انصحك فيه

واضيف زياده

مركز راسان الطبي شمال الرياض بس المسبح صغير 650ريال عشر ساعات مع مدربه بس ماله داعي على ان الي دخلوه عرفو يسبحون زي الناس :icon18:


مركز رثويه الطبي نفس الشي مسبح صغير وزود فيه درج يعني بايخ وزي قلته والي يسبحون عجايز يعني رياضه طبيعيه مايصلح لبنات
ههههههههههههه :o

التخصصي الطبي يجنن واسعاره غاليه شوي
والطبقه الي فيه راقيه جدااااااااااااااا...بس ما احب احشر نفسي معهم يعني الاسعار موب المشكله..بس ما ابغى اروح له واتكلف فوق طاقتي من لبس وغيره :unhappy: :lick1: :sad:

اللي قالت التعاسة شرق الرياض
فيه مقر الندوة العالمية للشباب الاسلامي
عندهم مركز صيفي رائع


وفيه مدينة الملك عبد العزيز للتقنية مسبح وفيه مدربة بسعر 300 ريال

عطر المحبه بكم الاسعار وهل فيه رياضه ثانيه غير السباحه ..والاهم هل فيه مواصلات ؟؟

مركز الأمير سلمان الإجتماعي أحلى ما فيه مضمار المشي بصراحة ما احس بالتعب اذا مشيت فيه
بالنسبة للأسعار
الزائرات ( غير المشتركات) يدفعون 20 ريال للدخول وما تقدر تستعمل إلا مضمار المشي
فيه إشتراك لمدة 3 شهور بـ 750 ريال فيها الات رياضية ومسبح ومدربات فيه اشتراك نصف سنوي وسنوي بس بصراحة ناسيه الاسعار وفيها كمان دكتورة واخصائية تغذية بس ترى اشوف اغلب اللي فيها سمان سمنه ماهي طبيعيه وبصراحة ما اشوف نتائج مرضيه. تقدري تروحي هناك زيارة بـ 20 ريال للدخول وتشوفي اذا يعجبك او لا قبل ما تشتركي موقعهم على طريق الامير عبدالله قريب من الدائري الشرقي وما اظن فيه توصيل وبالتوفيق.