الي تطبخون بصل وثوم كل يوم..كل يوم تغسلون شعركم؟؟ماهو الحل

شكرا لجميع الي ردوا
وابنتظار افكار جديدة

طيب تروشي ايش فيها كل يوم انا كل يوم اتروش عادي يعني

شوفي حبيبتي ..
بداية شغلي الشفاط ...والهواية اللي بالمطبخ ..ووقت ماتكشني حاولي تغطي الماعون اللي تحمسينن فيه ..وتفتحنه شوي تحركين ..وتغطينهوخليكي بعيد عنه ..مايبخر عليك ..وبعد ماتخلصي حممي جسمك ثم بخري البيت وبخري شعرك وشوفي كيف الريحة بتختفي وكمان حطي على راسك مثل الحجاب...وارفعي شعرك ..
هذي طريقتي ..ومو شرط كل يوم اتحمم ..

اول ماادخل المطبخ أوووووووول شي اسويه
افتح الشفاط بالمطبخ
ومستحييييل اطبخ وهو خربان سبحان الله هذي عاده فيني انا وخواتي من قبل حتى لانتزوج
وبعدها ابدا عادي بالطبخ
بالنسبه للبصل انا مااخليه يطبخ كثير بالزيت لانه بكل بساطه نفس النتيجه بالطعم طبخ قليل او كثير بالععكس لو طول بتطلع زفره وريحه
ثانيا اختي لفتت نظري لحاجه مهمه انا ماكنت منتبهه لها لاني مااستخدمها كثير وجربت فعلا طلعت صادقه
قالت لي ماتلاظين انه لما تستخدمي مرقة ماجي بالطبخ تطلع ريحه زفرة كثير وتقوى ريحة الكشنه؟ فعلا جربو لما تحطي مرقة ماجي ع البصل تقوى الريحه وتمسك في البيت ايام بس انا صراحه مااحبها مستغنيه عنها واحس انها مضره بالصحه
بالنسبه لريحة الثوم باليدين انا تعلمت حركة من مارثا ستيوريت تشيل ريحة الثوم من اليدين اول ماتقطعي الثوم بنفس السكينه اغسلي يدك تحت موية الصنبور وحكي ايدينك ع جوانب السكينه وهي تحت الماء الجاري (فهمتو الحركه) وبعدها شمي ريحة اصابعك اتحدى لو بقيت فيها رحة الثوم (عبقريه هالمارثا
وانا اطبق الحركه حتى ع البصل

البسي جلال واذا خلصتي غيري ملابسك حتى الداخليه ثم البخور جعله يسلم ما كانك سويتي شي

ونفس الحكايه للبيت