شي غرييب في المحلات

انا زيك مره رحت اشتري وجاتني الجراه وقلت للي يبيع ليه تسووون مثل هالعبايات وتعرضونها ترى عليكم اثم انكم تساعدونهم وتخيطون لهم على طلبهم والله لو انكم اتحدتم وتبون البيع حلال عليكم كان تقولن لهم مانخيط مثل هالنوعيات وخلوهم يحوسوووون ولايلقون ويرجعون للعبايات الساتره (الله يهدي الجميع لما يحبه الله ويرضاه )

الله يلطف بحالنا


وربي اني صرت اكره السوق بسبب مناظر البنات اللي فيه


امس نزلت لخريص الا وحده مطيرها عيونها بزوجي شوي وتاكله بنظراتها


قسم بالله اني خفت عليه وطلعت مااخذت شئ


الله يهديهم بس انا مدري وين اهاليهم عنهم

سبحان الله

اختي موب كل عبايه على الكتف موب ساتره ولا هي قاعده ان كل عبايه على الكتف خير ساتره ولا كل عبايه على الراس تكون ساتره في عبايات على الراس تقولي ياربي الستر
لكن الاساس على الي تلبس العباه هل هي محترمه وتبي الستر ولا لا
كثير شفت حريم لابسات عبايه على الراس وليتهم موب لابسينها مثل الي تلبس عبايه ولا تلبس شيله تحتها يوم تجلس يبان رقبتها وشعرها ولا كن هذا من لحمها وحرام عليها او الي تكون عبايتها على الراس وتكون شاده من عند اليدين ترسم جسمها من تحت اليدين تماما
ومره شفت وحده لابسه عبايه على الراس وله ربطه مع الجنب وهي لبسه نقاب يوم تلتفت على الملابس تبان بلوزتها الي كانت مفتوحه وصدرها طالع تبي تنصحينها تخافي تجيكي كلمه مالها داعي
وموب معناه ان العبايه على الكتف رائعه لا خلت المجال كبيرلقلت الحيه اكثر
مثل العباه الي تكون شيفون وتحتها قماش ساتان ملون مدري هذي العبايه وش تبي او وحده لابسه عباي وظيقه على جسمها كن موب لابسه تحتها شي من كثر مهم ظيقه
يارب تستر على بناتنا وتهديهم

تكفون ياحريم كل حرمه تنتبه على بنتها وتحرص عليها الي جاي ينخاف منه
وشي بقولك عنه واتمنى ان الكل ينتبه منه يوم تركب الحرمه السياره تنتبه على رجولها لا تبان
امس بغيت انزل لسوق وانا ابي انزل وفي سياره قدامنا حرمه تبي تركب السياره ويوم طلعت وتبان ساقها الي النص وهي مشاء الله بيضاء انا وانا حرمه انتبهت لها
وانا مع السواق السواق على طول التفت والله اني مت قهر وغيره عليها