طيب اسمعو سالفتي
انا بطبعي مو غيوره ابداا
وزوجي قطه مغمضه وماغازل ايام شبابه لانو حيوي وخواف
لكن صار موقف قبل فتره بسيطه اكتشفت اني غيوره وبقووه (انتم احكمو)
زوجي مسؤول كبير في احد البنوك وله في مجال توضيف الرجال
لكن الحريم ماله دخل ابداا
الصبح كان باجازه وجاه مسج كول مي
وطبعا مارد عليه وقال لي
طلعت مشوار الظهر وجيت ولقيته بالغرفه يتكلم واشر بيده اسكتي لاتطلعين صوت
جيت جلست واتاريه يكلم وحده وباسلوب خجول
وانو بيحاول يشوف مع انو مافي يده شي وووو وهي ناشبه فيه
بالاخير قال لها السبت بداوم وراح اشوف اذا فيه امكانيه او لا
قفل الخط وقال لي قلت ليه تمد معها بالحكي وانت مافي يدك شي
قال احرجتني وانو ضروفها ومحتاجه وضيفه وصرفتها
قلت لا انت كذا عيشتها بامل كاذب
قال بكيفها
شوي وجاه مسج تتشكر فيه واتمنى ما ازعجتك
انا طقتني الغيره لسببين
الاول انو واعدها ليوم السبت يعني بيكلمها وهو مو عندي
الثاني انو عشمها بشي مايقدر عليه وهالشي حسيت انو مجرد استدراج منه لها
ثرت وهاوشت وزعلت قال والله موقصدي وانتي الي تفكيرك غلط
قلت اوكي تفكيري غلط
عطني اكلمها واقول لها انو ماتقدر وانها احرجتك علشان ماتقعد تحتري هالوضيفه
قال بكيفك وهذا جوالي
اخذت جواله ودقيت عليها
وزي ماتوقعت بنت فاسده خربانه جايه تتلزق فيه
ردت بصوت كلها دلع وفيه بحه
هلا والله (وماطتها مططططططططط)
انا طار عقلي قلت اهلين اختي
هي سمعت صوتي منا وجاها شد عضلي بحبالها الصوتيه
قلت لها السالفه كذذا وكذا وانا كلمتك علشان ماتتعشمين وربي يوفقك بوضيفه
وهي ولا كلمه ترد
قلت لها فهمتي الحين
ردت بصوت غير مسموع.. ايوه
وقفلت منها السماعه
عاد كيد الحريم اشتغل
قلت انا كنت شاكه في شي والحين متأكده منه
الصوت مو حرمه واحلف لك بهالشي
هذا واحد يسحب فيك من موضفين الشركه
وكان ناوي لكن ربي فكك منه وعرف انك محترم ولاتكلم حريم
ولو دق عليك مره ثانيه لاترد لانو بيحاول مره ثانيه
يسحب فيك وينشرها بين الموضفين وتصير سالفتك سالفه
ياعمري على ابو عيالي صدق وخاف
وافتكينا من شرها
تعااالي هينا وشاركينا بموقف غررررتي فية على زوجك
متابعة النقاش، صفحة 23