السلام عليكم ورحمه الله وبركاته
شخباركم ان شالله تمام
قصه اختي برويها لكم واتمنى القى حل لأختي لأنها بجد تعبانه وماهي قادره تاخذ قرارها بنفسها وتحس انها منهاره
القصه ان اختي اول كانت متزوجه من واحد وقعدت متملكه عليها 3سنوات بس مادخل عليها بس ملكه وطلقها بسبب ان مايدق عليها ابداّ واعترف لأختي ان تزوجها مجبور من اهله وطلقها بعدها قعدت تقريباّ4 شهور ملك عليها واحد بس مو من جماعتنا في بدايه الملكه بتقريباّ5 شهور دق عليها من جوال ثاني طبعاّ اختي ماردت ولما شافها ماردت ارسل لها رساله مكتوب فيها انه واحد يعرفها من زمان وان جاب رقمها من الاتصالات وانه عارف عنها كل شي طبعاّ اختي رجعت تدق عليه ومارد اش سوت اختي دقت عليه من رقم لي انا عشان بس يرد وتسمع الصوت وارقم هذا مايعرفه المهم انها دقت ورد بس ماتكلم واختي اللي تكلمت طبعاّ عرف صوتها وانا متملكه حزتها وكنت اكلم خطيبي من جوالي طبعاّ صار يدق على جوالي هو يحسب ان جوالي جوال اختي الثاني وطبعا مع الاتصالات شاف الجوال انتظار
المهم انه شك باختي وتكلم معها واعترف انه هو اللي دق عليها وارسل لها رساله من جواله الثاني وقام يسألها هل كان لك علاقات سابقه مع غيري وباصرار منه اعترفت ان فعلاّ كان لها علاقه سابقه وانتهت (اختي تحسب انه انسان متفهم ويعرف كيف يتعامل مع الموضوع)علماّ انه يشتغل بمستشفى المهم قام يتهمها بالخيانه وصارت مشاااااااااااااكل كثيره لدرجه انها خلاص صارت تفكر بالطلاق والمشكله ان زواجها مابقى عليه الا شهرين ولما فكرت بالطلاق خافت اختي انه بيكلم ابوي عن الموضوع(موضوع خوي اختي)المهم تغاضت اختي عن الموضوع ومشت حياتها مثل مايبي هو صار الزواج وتزوجت اختي واقسم انه صار يشك فيها وصار يضربها ويراقب جوالها واتصالاتها لدرجه انه ماركب تلفون الثابت بالبيت ويهينها ويلعن ابوي وامي ويطعن بشرفها وبشرفنا كلنا ويسب ابوي وامي بس ما انكر انه كريم وطيب بعض الاحيان وحاول يقتل اختي مرتين المرة الاولى كتم انفاسها والمره الثانيه لحقها بجره المويه يبي يضربها فيها وصار لها سنتين على هالحال كل يوم تقول بيتعدل ولا تعدل حتى انا انحرمت اكلم اختي اخاف اقفل وتصير مشكله من بعد اتصالي لها حتى امي اذا كلمتها يسوي مشكله ويقعد على راسها من تكلم ويفتش جوالها واختي ضحت بعمرها عشانه هذا ومن غير الضرب ولاهانات والذل اللي هي فيه وفوق كذا خاين وكذا مره اختي كشفته بالسوق يرقم وحده ويركض وراها ويتكلم معها وشافته مره بحديقه ماسكينه الهيئه وهي اللي طلعته من المشكله ويكلم بنات واختي شافت بجواله كذا مره صور بنات عاريات وصوره هو لما يبوس بالبنات ويضمهم اختي انجنت ووصلت لمرحله معاد تقدر تتحمله المهم ان اختي ضربت زوجها وضربها لدرجه انه ضربها بنعاله وهي عالفراش وقامت اختي تتكلم عليه وعلى مثالياته اللي كان يخدعها فيها وانه خاين وكذاب ويحاول اكثر من مره انه يبرر مواقفه الجريئه مع البنات المهم اختي عشان تفتك من المشاكل مسكت الجوال وكسرته عالجدار وكسرت الشريحه المهم قام زوجه يبي يضربها وراحت تقفل على نفسها باب الحمام لأنه اذا عصب جن جنونه وهي مقفله على نفسها باب الحمام رمى عليها بطلقه واحده يعني قال لها (انتي طالق)يعني لاحظوا انه طلقها عشان كسرت الجوال والشريحه ماطلقها عشانها مدت يدها عليه وسبته
وهي الحين عندنا جات وهي مضروبه من زوجها لدرجه ان الضرب واضح بوجهها وبيدينها ودايم يقعد يعاير بنات الناس هذي سوت وهذي فعلت حتى بطلعاتها هي وزوجها كلها مشاااااكل بمشاااكل لدرجه انه يلعنها ويشك انها تكلم غيره وجاء مره حط الجزمه وانتوا بالكرامه عالباب بحيث اذا جاء من الدوام ولقى الجزمه طايحه معناها ان اختي دخلت رجال بالبيت ؟؟؟؟حتى ماخلاها تشتغل بشهادتها وهي تخصصها خدمه اجتماعيه طبي وقال حتى اذا توظفتي راتبك بيكون بجيبي يعني هم دايم مشاااااكل ماعمر امي دقت على اختي الا وهي تشتكي من شي ---وماهي عارفه تاخذ قرارها بنفسها ولاهي عارفه تحدد مصيرها بنفسها فطلبت مني اعرض عليكم قصتها لعل وعسى تفيدونها وتريحونها بشي تكفووووون لا تنسونا من افادتكم ظررررروووووورررري
شاركي في النقاش
سجلي الدخول لإضافة تعليق.
التعليقات
29- حبيبتي مابيدي غير إني أدعيلها
الله يفرج همها ويفك ضيقتها
ويكتبلها يارب اللي في خير لها
تقبلي مروري - وش ذا العالم وش ذا الحياة تطقه ويطقها ويتلفضون على بعض وعلى اهل بعض وبيذبحها هذولي الاثنين جالسين ينتحرون مع بعض مهوب لازم ذا الزواج الفاشل بلاش منه ومنتهين منتهين الحين ولا بعدين
- up
- الله يفرج همها ويكتب لها الخييير خليها تصلي الليل وتدعي ربها ينصرها عليه وتستغفر كثيييير وربنا يعينكم
- الطلاق ارحم لها من الذل وهي غبيه اللي اعترفت الرجال ماينسون غلطه زي هذي ومافيها متفهم هذا متخللللللللف الا اذا تستنون يذبحها
عاد هذا شي ثاني
مواضيع مشابهة
تابعي تجارب أخرى من هذا القسم.