***بنات اللي حملت بولد أبيكم أو أي وحده عندها معلومات قد تفيدني***/يوجد تجمع

انا حامل بولد بس الحمدالله من الله ماسويت شي وكنت ادعي دايما ان ربي يرزقني بولد صالح وبار :)

طيب أنا أقصد مثلا نوع أكلكم؟

توقيت الجماع؟؟

أرجوكم ردوا

انا شريت الغسول بيكربونات الصوديم واستخدمته
وحددت وقت للجماع وسويت الوضعيه للخلف
وخففت من الاجبان والالبان وصرت اكثر من الزبيب والعسل والزنجبيل والحوامض
وبعدين حملت كشفت مرتين قالو عندك بنت
والحمدلله رضيت بما كتبه الله لى بس عليكي بالاستغفار والصدقه
والله يرزقك بالولد الذكر السليم المعافى
كل شي بأرادة الله

شوفي حبيبتي الرزق من عند رب العالمين لكن بصراحه الان فيه علم صيني اسمه الجدول الصيني وانا جربته وطلع صح عندي ولدين الله يحفظهم طبقت الجدول والان بحملي بالبنت طلع صح واخواتي وصحباتي طبقت الجدول عليهم والله يابنات طلع صحيح ونادرا مايخطئ سبحان الله
طريقته تحسبين عمرك بالميلادي وتشوفين الاشهر اللي فيها فرص الحمل بالولد خلي الجماع يكون مره وحده بس يوم التبويض يعني ليله 15 من الدوره يعني مايجيك لا قبله ولا بعده والله يرزقك واذا حبيتي ارسلي لي عمرك وانا اقولك فرص الحمل بالولد
واللي تبغى البنت سبحان الله يكون الجماع قبل او بعد يوم التبويض مو شرط يكون مره وحده

لايلعبون عليك كله بأمر الله
أنا من أحمل كله أشرب لبن وأكل روب البيت
ولله الحمد ذريتي أولاد
فيه حديث عن الرسول صلى الله عليه وسلم بس مدري هو صحيح وإلا لا
إذا سبق ماء الرجل ماء المرأه كان المولد ذكر بإذن الله
وإذاسبق ماء المرأه ماء الرجل كان المولود أنثى بإذن الله
والله أعلم
بس حبيبتي
اللي أكده العلم الآن أن الرجل هو المسؤل عن جنس الجنين
الله يرزقك بالذريه السليمه المعافاه