حياتي الزوجيه في طريقها للانهيار

خليك قويه انت وياه والمفروض انك متفقه معاه من البدايه وانكم ما تسمحون لاحد يتدخل في بيتكم لا من اهله ولا من اهلك وكل شي بينك وبينه خليه سر حتى لو كحيتي عنده هذي خليها سر ما تقولينها لاحد انا اعرف وخده تطلقت بسبب اهله واهلها وهم يحبون بعض فصار احسن شي انهم يرجعون لبعض ويبعدون عن اهله واهلها صارت ما تجي عند اهلها الا ساعه وتطلع واهله مثل وغلطـــــــــــــــــــــــــــــــــــــــان زستين غلطان من يخلي الي بينه وبين زوجته مكشوف قدام الناس ويسمحلهم يتدخلون

السلام عليكم ورحمة الله وبركاته

أختي الله يعينك عليهم والله هم مسخينها بزيادة وأحس انك بحيرة ومن طيبك تخافين تزعليهم

انا الحين خطرت في بالي فكره تقرب اولادك منك وتخليهم يرجعولك شوي يوم الخميس والجمعة لما احد يطلب انه بينام واياكم في البيت اعتذري باي طريقة ومن الصبح اطلعوا واتمشوا ولا ترجعوا الا اخر الليل وطنشي اتصالات اهله واهلك او عشان يطمنوا ردي عليهم بمسج وسكري الجوالات هاذا اذا ما عند زوجك شغل في هاليومين

وما دام ان الجميع على وجه اختبارات حاولي تخططي لسفره شهر اذا كان عند زوجك اجازة ولو اطفالك ما عندهم اختبارات حاولوا تغتنموا الفرصة وتسافروا قبل الاختبارات بيومين او ثلاثة وخلي السفر بشكل مفاجئ جداً وروحي ودعي اهلك واهله عادي واذا تتوقعي انهم بيطلبوا منك مفتاح البيت تخلي في بالك احتمالين عشان ما تعطيهم اياه يا انك تقولي لا ما اقدر اعطيكم اياه او انك لما توصلين المطار تتصلي فيهم وتقولي ان انكم مسافرين وخلاص وبعد في فترة السفر بتبسطون واطفالك بيتقربوا لك اكثر ونفسياتكم بتكون حلوه والاطفال بيتقبلوا منك اكثر وفي خلال هالشهر بتحسي بتحسن كبير ولما ترجعي بالسلامة يارب
قوي شخصيتك اكثر واتنازلي عن شوي من الطيبه عشان سعادتك
يعني لو اول يوم احد قال انه بينام معك قولي لا انا تعبانه وما بحب احد ينام معي ويوم ثاني وكل يوم سوي هالحركات
وايام طنش التليفون والجرس وقولي لاطفالك انهم بعد ما يشيلوا التلفون او يفتحون الباب وقولي اليهم بعد عشان نطلع لحالنا ونروح نلعب وننبسط ما نبي جيش ويانا
وشوي شوي بتسيطري على الوضع وان شاء الله يحسوا على دمهم شوي
صراحة دول مو اهل احس لزقه وهاللزقه حاولي تشلعيها زودوها

وما ادري هل احد اقترح عليك ها الاقتراح لاني ما قريت الا الصفحة الاولى

بالتوفيق لك

أختنا فن وذوق
طمنينا عن أحوالك ، والله انه مشكلتك شاغلة تفكيري من بداية ما قرأتها ، ربما تقولين مبالغة ، لكن والله انه كلامي صحيح ، اتمنى تكون احوالك تحسنت ، وادعيلك من قلبي يعينك على تجاوز محنتك ، ويقويك .

أختي اعلم انك ربما تقرأين مشاركاتنا ، لكن لان مشاركات الاخوات وانا ايضا نضع اللوم عليك ، ربما لهذا لم ترغبي بالرد ، لكن اتصور ان الاخوات مثلي ارادوا اغضابك عمدا ، لان الغضب يعطي الانسان قوة ودفعا ، واظن ان هذا ما ينقصك ، وارجو ان تسامحينا ولا تغضبي منا .

وارجو ان تطمئنينا عنك اعانك الله .