ابشركم اليوم كلموني .. لكن ؟؟

السلام عليكم ورحمة الله وبركاته

سالفتي يااخواتي اني متخرجه من عام 1426هـ وكل ماجاء تقديم اقدم ومايكتب ربي نصيب
مع العلم اني امتياز مع مرتبة الشرف وقسمي كيمياء ..
المهم اهلي بالرياض وانا اتزوجت ورحت الدمام
وقدمت العام الماضي على الدمام وماحصل نصيب والسنه هذي قدمت على الرياض
من باب لو بيجي تعين رسمي راح اضغط على نفسي لحد ماينقل زوجي للرياض ..
المهم بالموضوع انو من كم يوم يجيني رقم على الجوال وماارد واليوم حصلت رساله انو احنا الخدمه المدنيه نرجو الرد
ورجعت واتصلت عليها
وقالت لي احنا طالبينك بديله معلمه بالرياض بحي الخالديه ولو وافقتي تداومين من بكره وانو راح تدرسي الترمين بالترم الاول ونكتب معك عقدلحد شهر 2 ويمكن يمدد العقد للترم الثاني والراتب 6 الاف وزياده
قالت شاوري نفسك ونص ساعه ابي الرد
طبعا احترت شوي وبعدين توكلت على الله وقلت ارفض لان صعبه ابعد عن زوجي 3 شهور
ورفضت
لكن سالتها هل ممكن تجيني فرصه مره ثانيه على الترم الثاني فصدمتني وقالت لا الاولويه للي معها خبره ةاشتغلت بديله ..
فسؤالي هو :
هل فعلا كلامها صح لاني انقهرت انو خلاص ماراح تجيني فرصه مره ثانيه .؟

اعتذر عن الاطاله ولكم جزيل الشكر :26:

24 تعليق 2,797 مشاهدة

شاركي في النقاش

سجلي الدخول لإضافة تعليق.

التعليقات

24
  1. @om_samer_2

    أبغى اسم سلف
    للرفع
    الله يهديكي لييه ماوافقتي فرصه مرة رووعه وفرطي فيها اقلها تكسبي خبره زوجة خالي ماتعينت بسرعه الا من خبراتها هذي احيانا بديله واحيانا تعاقد الين ماصار عندها خبره وكانت اولى من غيرها بالتعيين وبالنسبه لسؤالك اتمنى احد يفيدك
  2. @nono511_1

    الله يهديك كلميهم والادبري نفسك لاتفوتينه انا كنت مثلك بنتي صغيرة قلت ماقدراتركها خاصة ان التعاقدبعيدوالحين ندمانة مرة

تابعي تجارب أخرى من هذا القسم.