بسم الله الرحمن الرحيم
بنات . أحب أقول لكم عن موقف صعب مريت بة . و أبيكم تقولوا لي شو تحكمون على تصرفي هذا ؟؟!!!؟؟
في الصيف الماضي في نص يوليو . أنا و أخوي و حرمتة و عيالة رحنا الى السعودية لأداء العمرة . و في رابع يوم لنا في العمرة كنا أنا و زوجة أخوي و عيالها جاعدين عند المكان اللي فية ماي زمزم . بصراحة المكان روعة و كنا نشرب من الماي و كان هناك يهال وايد عند أهلهم يلعبون في هالمكان .
المهم . لما كنا جاعدين . أنا شفت بنت تلعب بالماي و كانت تلبس عباية و شيلتها على كتفها و قدرت أنة عمرها 11 أو 12 سنة تقريبا .
بصراحة هالبنت أثارت دهشتي لأنة ما كان فيها شعر كلش ! يعني صلعاء تقريبا .
أنا لما شفت البنت . كانت دهشتي و ردة فعلي غريبة !
و بدون قصد ! تدرون شو سويت ؟!!
قمت أصارخ على زوجة أخوي و قلت لها بصوت عالي ( تعالي شوفي هذي البنت صلعاء ) و رددت العبارة مرتين , و البنت طالعتني باحراج بعدين رد لي الحس و أدركت اني سويت شي غلط . بصراحة أنا لحد ألحين مستغربة ليش أتصرفت هذا التصرف الوقح .
و المشكلة أنة البنت كانت جالسة جنبها أمها و أنا ما لاحظت هذا الشي . وبلا شك شافت كل اللي صار. و بعدين يات امها مندفعة صوبي و شكلها تبي تعطيني طراج على ويهي . و قالت لي بعصبية ( حرام حرام عليكي أنتي ما تعرفين وش بيها هذي .
هذي مريضة . ) بعدين دعت علي و قالت ( انتي قليلة أدب و ما عندك دم . الله لا يوفقك الله يبليك بالمرض ) و أعتقد أنها سعودية لأنها لهجتها سعودية . و سبتني و خذت بنتها و راحت. و ظليت واقفة مثل الصنم و حرمة أخوي تطالعني بدهشة .
بنات و الله العظيم ما كان قصدي . الكلمة فرطت من لساني و بدون قصد .
لو كانت وحدة فيكم مكان الحرمة كانت و الله صفعتني !!! صح ؟
أنا وايد حاسة بالذنب . مرت سنة على الموقف و انا لا زلت افكر فية . شلون بدر مني ؟
أنا خاطري أجابل هالحرمة مرة ثانية و أعتذر لها .
بنات شلون تحكمون على تصرفي هذا ؟ تصرف و قح . صح ؟
الله يخليكم أبي أشوف ردودكم على موضوعي . و دمتم بألف خير .
شاركي في النقاش
سجلي الدخول لإضافة تعليق.
التعليقات
32- دانة احلى حاجة فيكي ضميرك اللي بيحاسبك لمدة سنة على غلطة عملتيها بصراحة انا مقدرش افسر التصرف ولا عدم احساسك باللي انتي قلتيه لاني مش دكتورة بس كل اللي اقدر اقولهولك انك مادام حسيتي بالغلط ادعي ربنا يغفر لك الغلطة الغير مقصودة ده ومادام نيتك صافية ربنا هيتقبل منك باذن الله والله اعلم طبعا
أحييك على جراتك في الاعتراف بالغلط - تسلمين و الله اختي SIM-SIMA
أسعدني مرورك - اختي مادام انك ماقصدتي ان شاء الله ربي يعفو عنك..
بس لاتعودين لمثل هذي التصرفات ابداً..
وبالاستغفار والتوبه وكثرة الاعمال الصالحه ربي بيعفو عنك
ان شاء الله.
الله يتجاوز عنا وعنك برحمته ومغفرته. - موقف مثير لدهشة صجلكن
هذه تجربة لك علشان مرة ثانية تضبطي أعصابك :D
و موضوعك مهم خاصة إنها دعيت عليك
ما لك إلا كثرت الإستغفار وقيام الليل والدعاء
والله في عونك - هلا عزيزتي دانة عمان 000
اختي صحيح انك ممكن تكوني احرجتي البنت ولكن بدون قصد منك وهذا ممكن يكون شئ طبيعي لانه في بعض الاحيان تصدر منا تصرفات بشكل عشوائي ما نكون قاصدينها 000 وموقف الام ما اعطاك فرصة انك تعتذري من البنت وطبعا نفس الشئ موقف الام اكثر من طبيعي 00 الخلاصة 00انه موقف وراح 00 حتى لو انه ترك ذكرى حزينة 00 بس ان شاء الله تحاولي تتحكمي في ردة فعلك مستقبلا وتتعلمي من هالدرس (الحياة مواقف والشاطر اللي يتعلم من هالمواقف) 00 وتبتعدي عن الوساويس اللي مالها داعي واللي فات مات 00 يعني ( ماكو فايدة انك تلومي نفسك على شئ راح )
وفقك الله 00
مواضيع مشابهة
تابعي تجارب أخرى من هذا القسم.