لوازم الولاده,,والضيوف...

اول شيء..تراني بزعجكم بكثر طلباتي..


لكن مالي الا الله ثم انتم <<<< ماعندها صديقات كثير...


ابغى رقم شغاله حبشيه مرتبه عشان تقدم للضيوف وتكون نفسها زينه...

(ارسلولي على الخاص)

ابغى اعرف محلات في الرياض طبعاً عندهم صياني تقدم فيها الشوكولاته والفطائر والاشياء اللي مع العصير ويكون شكلها حلو وغريب,,,

وابغى أسماء محلات عندهم كاسات عصير وبيالات وفناجيل كشخه ومتب شكلها وحلوووه...وماابغى شيء تقليدي...

ايضاً محلات عندهم مفارش للمستشفى ويكون شكلها حلو ولو حتى اذا فيه ارقام مشاغل ..وابغى محلات للشوكولاته والمعجنات غريبه وحلوه..

او اي وحده في الرياض تسوي الاشياء هذي كلها..والقاها عندها,,



الله يسعدكم دنيا وآخره ساااااااعدوني,,,

45 تعليق 3,980 مشاهدة

شاركي في النقاش

سجلي الدخول لإضافة تعليق.

التعليقات

45
  1. صاحبة الموضوع
    الفززززززززززززززززعه,,,

    12 زياره ولا حتى رد واحد؟؟


    تكفووووووون انقذوني,,
  2. @lyaly_alghrbh

    هلا فيك اختي
    بالنسبه للشغاله الحبشيه جيبي صبابه افضل لك وفيه صبابات سنعات من تالي يرحبون ويقدمون ويفيدونك باشيا ماتعرفينهاا من كثر مايدخلون البيوت
    وبالنسبه للحلويات والمعجنات :
    المعجنات عندك مكسيكي هدى روعه
    وعندك ام سعود ترتيبهااا روعه ومعجنات حلوه بس عاديه الطعم
    والحلى خذيه من الجوهره ومعجناتها بعد حلوووووووه
    عندك الذواق روعه
  3. شوفي انا حامل وعلى وشك ولاده دوت عن صياني حلوه وغريبه في كل المحلات المعروفه مثل باتشي وشوكلاين واوبرا مالقيت شي عندك محلات في حي الورد والله نسيت اسم المحل بس لقيت صياني غريبه على شكل جره زجاج شفافه بعدين حاطين عليها مثل الوراق والكرستال تقدرين تعبينها شوكولا او معجنات شكل جديد وغريب انا باخذ من عندهم ان شاء الله وفيه بعد محل اسمع عالم المبدعات يسوون لك كل شي عند ملاهي الخيمه بس وين بالضبط ما ادري

تابعي تجارب أخرى من هذا القسم.