شاركي في النقاش

سجلي الدخول لإضافة تعليق.

التعليقات

51
  1. @rhoooomh

    مرحبا اختي انا اخذتها في حملي الاول في مستشفى
    دله عن طريق استشاري والله ناسيه اسمه بس يقولون مشهور
    والحمدلله ماحسيت بشي نمت لين انفتح الرحم عشره سانتي وبعدها صحوني
    علشان ينقلوني لغرفة الولاده وناويه اخذها في ولادتي الجايه الله يسهل ان شاءالله
  2. اللي يقولوا احنا شعب مو مثقف ومساكين ونصدق الاشاعات وخزعبلات اقولهم لا احنا مو شعب جاهل او غير مثقف
    احنا شعب مظلوم
    الطب عندنا من اسوا مايكون
    يعني صح ممكن في امريكا ماتلاقي حالات شلل بس عندنا تلاقي الاف الحالات لان عندنا استهتار واهمل في اشياء اسهل من ابره تعطى في الحبل الشوكي اللي هو اكثر منطقه حساسه في الجسم
    ممكن انسان يروح كشف عادي ولا تطعيم عادي او ولاده عاديه يخرج منها متبهدل وكلنا شفنا بعيوننا الممرضات وعمايلهم وبعض الدكاتره واستهتارهم
    يعني اللي تقول الابره تخوف مو جاهله الابره بحد ذاتها اختراع رائه ومافيها اي ضرر لكن ايش يضمنك ماتمسكي نفسك وتفلت منك حركه وتخربي كل شي ليش المغامره؟؟
    ايش يضمنك الدكتور اللي يعطيكي هيا يكون مزاجه مو تمام يومها ويعطيها بدقه لاتقولوا غلط انتو عارفين دكاترتنا اهون ماعندهم ارواح البشر واستهتار مو طبيعي باللارواح والله قلبي يتقطع لمن اقرا عن وحده ولدها فيه تخلف او بنتها فيها شي بسبب استهتار الدكتور وقت التوليد يعني ايش حيخسر لو ضغط على نفسه واتقن عمله ساعه او نص ساعه ولا انه يدمر حياة روح مدى الحياه
    انا شخصيا باتكلم عن المدينه مدري عن جده والرياض بس والله اني لو بس رحت المستشفى دقايق اخرج منها دمعتي على خدي من التعامل والاستهتار بالمرضى ومستحيل اسلم شي خطير زي كده لدكتور في المدينه يمكن لو كنت في جده اهون عندي
    وبعدين تاثير الابره يختلف من شخص لشخص اعرف حريم في جده جلس معاهم الصداع فوق تلاته اسابيع بسبب الابره
    انا فكرت فيها مااكذب عليكم بس قلت لو الدكتور مركز في عشره حالات ومضيع في حاله ايش يضمني اني مااكون انا هذي الحاله
    والله يابنات ان ماما جابتني انا واخويا في امريكا وكان عندها مشاكل كثير في اخويا اللي كان الاول طبعا هيا حملت بانبوب واحد لان صارلها انفجار في الانبوب والدكتور رسلها الاسعاف والشرطه عالجامعه عشان يجبرها تجي المشتسفى مع انها موقعه خروج على مسؤوليتها
    وكانت فصيله دمها سالب وبابا موجب وعرفت اضرار هذا الموضوه هناك واتعملت كل شي عنه
    وجات هنا جابت اخواني بس اخر حمل نبهت الدكتوره على الابره اللي المفروض تاخدها لان دمها سالب وطنشتها الدكتوره واجهضت ولو مااجهضت كانت حتجيب طفل مشوه واي حمل بعده يصير بطفل مشوه يعني يمكن لاسمح الله لو مو من اول حمل حملته كانت بامريكا علموها عن الابره واهميتها كنا كلنا جينا مشوهين وترى مو اي دكتوره راحت لنجمه اللي كانت في وقتها افضل دكتوره في المدينه
    بصراحه الطب عندنا زيرو والله لمن رحت سحبت دم عشان تحليل قبل الملكه اشوف الناس قدام عيني يخرجوا يبكوا من النيرسات ويقولوا احنا مو حيوانات وهذا بس سحب دم
  3. @kamylya_5

    انا والله كنت اتمنى آخذهاااا

    بس خوفونااا منها
    لأن لاسمح الله اي غلطه تسبب شلل على طووول هذا غير انهم يقولون المخاطر اللي تسويهااا

    فتحملللللللللت الم الطلق والولاده والله لايوريكم شصاااار فييني شفت الموت قسم بالله

تابعي تجارب أخرى من هذا القسم.