خلاص انا تحطمت وضعت وانتهيت ,,,,,,

السلام عليكم

اول شي ياعمري العصبيه وضرب بنتك ماراح يحل لك اي شي بس بتصيرين ثايره طوال الوقت ومنتي قادره تركزين

بعدين جربي هذي الطريقه لان وحده جربتها وانضبطت زوجها ..

استمري معه على النت واطلبي منه مقاطع ورقم جواله وتكلمي معاه باشياء مب حلوه وادخلي بعلاقاته وخليه يكب عشاه بعدين احفظي كل شي بفلاش مموري وحطي نسخه منه على سطح مكتبه بمجلد هديتي
وبنفس الوقت حاولي انه مايفتح المجلد الا وانت عند أهلك وخوذي معك اغراض لك ولبنتك
واذا دق وكأنه ماصار شي قولي له يرجع لسطح المكتب ويفتح المجلد وقولي اني خلاص ماعاد ابغاك لأنك خنتني
والرجال يتعب اذا ابعدت عنه حرمته وخبريه ان عندك نسخه واذا حدت الأمور بتورينها الشيخ يحكم بينكم
الله يهديكم ويسهل أموركم ويصلح قلبه ودينه ودنياه


حبيتي اللعان والسب والشتم مايجوز ومحرم .. انتبهي تخسرين آخرتك علشان زوجك..

حاولي تقرأين سورة البقرة وتكثرين من الأستغفار .. والله الهادي إلى سواء السبيل

انثى ولكن ,,, اللهم امين يارب يصبر قلوبنا ,,,

اختي الجوهوه ,,, كلامك عين العقل بس وش فايدته دامني كرهته واحس اني ودي اذبحه ,,,

خلاص الثقه ماتت ,,,


خوخه ولوزه ,,, المراءه في ذا الزمن تنهان علشان بيتها مايخرب وتشوف الذل وتشوف زوجها يخونها وتسكت ,,, ياربي وش هالعيشه ,,,


شاطي969 ,,, الرجال مالهم امان هو يبي مو زوجه وبس يبي يغير جو ويطلع عن الحال الزواج الرجال دايم في نظرهم ان المراءه بالحرام تكون احلى من الحلال ,,, مدري وش النظريه ذي ,,, اتذكر اني قريت قصه عن واحد وزوجته اسم القصه يازينك بالحرام وياشينك بالحلال ,,,


نسايم ليل ,,, انا ملاحظه انه متغير علي ,,, وحبيت اعرف مو اكون مثل الاطرش بالزفه ’’’


مره الدب المملوح ,,, انا ادري ان غلطانه لما ادعي عليه بس هو يستهال اكثر من كذا انا وبنتي وش ذنبنا انه يكون خاين وانا يشهد الله مو مقصره معه ,,, انا راح اكمل معه المحادثه بشوف وش نهايتها يطلب مقابله والا وش يبي بالضبط ,,,



ليتني قلبه ,,, ادري ان الازواج يفضلون الحرام على الحلال طيب وش ذنب زوجتك يوم انها صانتك ومحافظه عليك تجازيها بالخيانه ,,,
لو كان يبي يمل مل من زمان ومن كثر البنات اللي يعرفهم بس شكله خلاص منتهي ,,,,

ام حور ,,, اختي ادري ان طريقتك حلو بس اللي ماتعرفينه عن زوجي المصووون انه مايهمه اي شي وعنيد الى اخر حد ودايم يقول لي انا ماحد يدوس لي على طرف ومدري وشو ومغرور ومايهمه حتى امه والله انا مابالغ ,,,

والله يكتب اللي فيه الخير لي ولبنتي وياخذ حقي منه ياحي ياقيوم ,,,,

الطلاق مر وخاصه اذاكان فيه اطفال لا تستعجلين وتخربين بيتك وادعي ان الله يصلح حاله ويهديه واغلب الرجال كذا ربي بنتك وكملي دراستك واشغلي نفسك باي شي ومصيره يكبر ويعقل