بناتي وتعلقهن بأبوهن ...الحل الله يجزكم خير

السلام عليكم ورحمة الله وبركاته
ابي مشورتكم والله يجزاكم خير بناتي متعلقات فيني و ابوهن مره وخاصه ابوهن واللحين زوجي جاء له انتداب 6شهور بمنطقه ثانيه وبعيده عن المنطقه الموجودين فيها وراح يبدأ انتدابه بعد العيد وانا ماراح ياخذني بكون على وشك ولاده وبجلس والله اني في هم مايعلمه الا الله ما ادري وش سوي بالبنات اذا راح ابوهن وهو من اللحين يحاول ما يعلقهن فيه زياده وصاار يحاول مايجي للبيت كثير كله عشانهن واحيانا ياخذهن ويحطهن عند عمهن واحيانا يرفض يلعب معهن يحاول قدر المستطاع بس اللي صار تعلقن فيه اكثر وش الحل معهن ؟؟

31 تعليق 4,691 مشاهدة

شاركي في النقاش

سجلي الدخول لإضافة تعليق.

التعليقات

30
  1. الله يخلية لكم ولا يحرمكم منه بس حاولي تمهدين لهم الموضوع وانه راح يسافر ويغيب عنكم مدة بس بيكلمهم تلفون واذا ماعندهم مدارس روحيلة بعد ما تولدين

    وحاولي تشغلينهم مالمولود وتجهيزاتة والله يحفظكم بحفضة

    تدرين حزنت عليهم وودي ادعي ينلغي انتداب زوجك بس اخاف تزعلين
  2. @o_m_r_a_k_a_n

    دااااااااائما الاطفال شديدين التعلق بالاب

    لانهم مايشوفونه كثير مثل الام

    ومابيدك شئ تسوينه غير انك تدعين ان الله يفرجها من عنده

    والحمدلله خيره ولادتك راح تهليهم بالبيبي الجديد ان شالله

    والله يسهل ولادتك يااااااااااااارب ويرجع لك زوجك بالسلامه :)

تابعي تجارب أخرى من هذا القسم.