بنات طمنو قلبي على وليدي عدم نزول احدى الخصيتين وتأثيرها علي الطفل

السلام عليكم
بنات انا قلبي قاعد ياكلني على ولدي اهو عمره شهررين
واليوم ودينا مراجعه الشهرين والدكتور جيك على المنطقه عنده واهو من اول ما انولد قالو لنا ان احدى الخصيتين اكبر من الثانيه وان هالشيئ طبيعي وعادي وانها مع الوقت بتنزل
لكن اليوم لمن جيك عليه قال لمن الحين مانزلت وراح احولكم على دكتور كلى ومسالك بوليه يمكن يعطييه ابره هرمونات تنزلها لانها لو مانزلت ممكن تسبب امراض سرطانيه الله يكافينا ويكافيكم الشر:(
والله قلبي مقبوض ويعورني واول ماطلعنا قعدنا ندق على عيادة الدكتور الي حولنا اياه بس العيادة سكرت لانه العصر
وان شاء الله من باجر راح ادق اخذ1 موعد باقرب وقت ممكن
انا ابي الحين تطمنوني وتريحون قلبي في احد منكم مر عياله بهالحاله وشنوو سووو وشنو تأثيرها
انا خايفه بعد من ابره الهرمونات اخاف يكون لها تأثير او شيئ
والله كاسر خاطري حييل هالوولد
ان شاء الله مايكون فيه الا العافية
بس ابي خبرتكم والي مر بنفس هالحاله يفييدني والله يعطييكم الف صحه وعافية ياررب

10 تعليق 2,105 مشاهدة

شاركي في النقاش

سجلي الدخول لإضافة تعليق.

التعليقات

9
  1. @lhth_odaaaa

    يااااقلبي سلامتة مايشوف شر

    انا ولد اختى كذا بس للاسف مانزلت اضطروا يسسسون لة عملية والحمد لله تمت العملية واهو الحين شباب ماشاااااء الله لاتخافين حبيبتي والله يخلية لك
  2. @aasoool

    صاحبة الموضوع
    حبيبتي الشرر ماييج
    هالشيئ ما اُثر عليه يعني
    والعمليه خطره ولا بسيطه
    والله قاعده انطر الصبح بفارغ الصبر مافيني صبر:(
    مشكوورة ياقلبي على سرعه الرد
  3. @km_afrst_2

    حبيبتي اقري له في زيت زيتون عصره اولى قد ما تقدرين من الرقيه الشرعيه وكل يوم لما تغيري الحفاظ دهني من تحت السره الى الركبه واذا تشافى ادعيلي وبشريني وعمره لسى صغير اعرضيه على كذا مستشفى ووديه مشايخ يرقونه
  4. @almkatl_3

    يابنت الحلال اتكلي على الله
    مااعرف عن ابره الهرمونات
    بس يسون عمليه وينزلونها وهي باذن الله بسيط

تابعي تجارب أخرى من هذا القسم.