بصراحة مليت

السلام عليكم

بنات بصراحة طفشت ومليت حاولت اسوي لنفسي مكياج واتدرب على روحي
لكن بلا فائدة , عفست وجهي , وشكلي باجيب وجوه الفاترينات واشتغل عليهم

مثلا الكحل لما احطه في عيني يطلع معرج مو مستقيم
ولا اعرف اسوي الكحل لبرا بشكل مضبوط
يطلع خرابيش !!

تحطيم

بلا مكياج بلا هم , اهم شئ لا تروحين لمناسبة الا ان كانت لمباتهم صفراء
وحدة من قؤيباتي كبيرة عمرها خمسين لكن مهتمة بروحها
تتضايق لو دخلت مكان لمبته بيضاء

عموما بسألكم فيه طريقة بالمكياج تقدرين تنفخين فيها خدودك , الي تعرفها تقول
نرجع نجرب

وسلامتكم

7 تعليق 815 مشاهدة

شاركي في النقاش

سجلي الدخول لإضافة تعليق.

التعليقات

7
  1. @bhryny999

    هلا وثاب

    اذا على الكحل لا تحطينة من البداية الاى النهاية حطي من نصف العين الى النهاية وبعدين من البداية الى النصف وحاولي تجرين يدج مرة وحدة مو شوي شوي مثل المرتبكة لأن بيكون لج معرج


    وعن الخدود ما ادري بصراحة بس جربي تحطين البلاشر في المنطقة اللي تبين تبرزينها وبعدين تحت البلاشر اخذي فرشاء اصغر من فرشات البلاشر وحطي لمسة خفييييييييييفة من اللون البني اللي نستعملة حق الأماكن اللي ما نبي نبرزها


    انشاء الله تضبط معاج
  2. @lona_3

    احسن حل المبتدئة في المكياج استخدام الشدو بدل الايلاينر يعني بدل ما ترسمين عينج بايلاينر ارسمي بفرشاة رفيعة بواسطة شدو الاسود لان تنظيفه اسهل و قدرة التحكم اسهل خذي مني نصيحة و جربي
  3. @hawajs

    لا تفقدين الامل وثقتك في نفسك - تصدقين معرف احط الايلاينر العادي بس احطه الي با الماي هذا اسهل بنسبه لي واقدر اتحكم فيه

    في الايلاينرالي مثل القلم هذي بعد تسهل الامور

    جربي من صور المجلات اذا فاضيه جربي تحطين مع الوقت بتتقنين حتى لو رسمه وحده شي جيد روحي دورات للمكياج هذا بعد كويس
  4. @othab

    صاحبة الموضوع
    بحرينية

    أعجبتني نصحيتك , إن شاء الله راح أجبرها
    تشكري

    *لونا*
    كمان نصيحتك أعجبتني وإن شاء الله راح أجربها
    تشكري

    $دمـــــوع الشوق$
    أنا أستخدم قلم لكن بعضه يتكسر علي
    وهو ارسلم فيه عادي لكن مو بشكل مضبوط مرة , شئ يمشي الحال
    تشكري

    Hawajs
    شكرا على التشجيع , وما زلت أحاول
    تشكري

    جزاكم الله خير رفعتوا معنوياتي

تابعي تجارب أخرى من هذا القسم.