بنات ادعو لأمهم بالثبات موقف الله لايحط كل امـ فيه
بسم الله الرحمن الرحيمـ
السلامـ عليكمـ ورحمة الله وبركاته
موقف لايمكن انساه امس المغرب يوم الاربعاء جيراننا كانو يسحبون المجاري وانتمـ بكرامه والعامل فاتح البلاعه بكبرها مادخل الخرطوم من الفتحه اللي على جنب والبلاعه عند باب الخروج للشارع وكانو جيراننا معزومين على زواج قريبهم
في الدور الاول كان ساكن الاب وزوجته وعياله وبناته اللي مو متزوجين و في الدور الثاني كان شقق عياله وحريمهم واحفاده والبلاعه عند الباب الصغير تبع الدور الثاني
جدهم الله يعينه استعجلهم علشان بيروحون للعرس وياقلبي زوجة ولده من عجلتها استعجلت عيالها قالت لهم بسرعه روحو اركبو السياره وانا وراكم اللبس عبايتي عيالها اللي عمرهم ست سنوات وسنتين ياقلبي عليهم راحو يركضون قدامها وولدها اللي عمره 4 وراها والحوش كان مظلم ووقت المغرب وماشافو البلاعه وطاحو ثنينهم بالبلاعه قدام امهم حاولت تمسكهم مافي فايده جبنا ركض على صياح امهم حاول اخواني ماقدرو لان البلاعه يادوب بدى يسحبها يعني مليانه والعامل هرب الام انهارت العيال اختفو بالبلاعه وابوهم وجدهم من الصدمه مايعرفون وش يسوون والدفاع المدني والاسعاف بعد ساعه ونص جاو وحاولو يطلعونهم ماقدرو وسحبو وساخة البلاعه في الشارع والامام على صلاة العشا يدعيلهم وموقف كان صعب واللكل منهار وبعد ساعه جاء الغطاس ونزل والمسكين بغا يموت لانهم مو مدربين كويس
وياقلبي طلعوهم ميتين الام والاب انهارو وودهم المستشفى
وموقف ماني قادره انساه
الله يصبر اهلهم وخاصة امهم
ادعو لها يابنات