هددوا بمغادرة الوطن ..ناشطات سعوديات يطلقن حملة ضخمة لإلغاء قانون المح..(موضوع قديم )

متابعة النقاش، صفحة 21

شاركي في النقاش

سجلي الدخول لإضافة تعليق.

التعليقات

137

  3. @shmoaa_aldrb

    أولا مسألة المحرم في السفر لانقاش عليها وحكم الشرع واضح وصريح فيها ....

    لكن الأمور الثانية وقضاء مصالحها , في كثير من النساء المظلومات من محارمهم .....

    ولاتتكلموا من منظاركم يابنات ..

    روحوا للمحاكم .. روحوا للمستشارين في القضايا الأسرية ... وفي حقوق كثيرة مهضوم حق المرأة بسبب المحرم ...

    وايه الحل ..اذا المحرم لايخاف الله أو يلوي يد هذه المسكينه أو يضطهدها ..... ليه تتكلموا كأننا في مجتمع مثالي وكأن كل أمرأة عايشه ملكه في بيت زوجها أو عند أهلها ..... أنتم بتسمعوا كثير من الأخوان كيف يحرموا الأخت من حقوقها ويضطهدوها وكيف بعض الأزواج يعمل مع زوجاتهم ..... حتى تمادت الأمور أصبحت تتطور الى عنف أسري .. وبالاخير حتى حقوق الانسان ماتدخل عشان المحرم منع من دخولهم - أو منع يسلم الضحيه - أو وووو

    حتى السواقه لو ماأيدنا سواقة المرأة مافي مشكله ,
    لكن أوجدوا الحلول .... حتى لو يحطوا ان شاء الله خط البلده
    لو نقل جماعي لو باصات .. لسواق مع محرم .. ويكون خاص للنساء ..... ويكون بمحطات مشهورة اللي تكثر عليها الإزدحام والحاجة .. مواقف عند المستشفيات والمراكز الطبيه وعند الأسواق حتى تقل الزحام ايضا .. ويقلل عدد الأجانب وبدل عشرين سواق عند أهالي , يكون سواق واحد يغني عنهم في باص واحد ..
    ويضعوا باصات مع محارم ايضا لطالبات الجامعه برسوم رمزيه
    وباصات حتى للموظفات وللمدرسات مع محارم ايضا برسوم رمزيه خاصة لكل وزارة أو مدرسة ...

    الآن فيه باصات توصيل خاصة , بس أسعارها مدبوله وخياليه مو كل وحده تقدر تدفع مبالغها كل شهر .
    نتمنى يدخل المسئولين ويحددوا أسعارها ونحل مشاكل كثيره .

    بس هم لو يفكروا شوي ويكون همهم حل الأزمات وناس قلبها على الشعب كان وجدنا حلول دون تجاوز الدين -
    بس المشكله كل واحد همه نفسه - واذا بيته موفر كل شي فيه مايفكر بباقي الناس



    بقولكم على جارتنا انسانه محترمه بمعنى الكلمه وصبورة ...... زوجها مبهذله بهذله على توصيلها لوظيفتها وظروفها ماتسمح تحضر سواق - تعرفوا في يوم عصب عليها ايه عمل فيها ..
    ركبها بالسيارة وأقرب محطة بنزين نزلها المسكينه وهي تصيح وخايفه وتترجاه وتقول رجعني البيت ..
    نزلها يابنات - تقول أبكي وانتفظ من قساوته .. ...
    عامل المحطه انتبه بعد ماراح زوجي , جاني قال أجيب لموزين ماما ..
    قلت أيه .. جاب اللموزين وقال ماما تبغي فلوس ....... تخيلوا يابنات !!!!
    ... وهو عمره مايسمح لها تركب لموزين لكن رماها وقهرها .. رجعت لبيتها منهاره وباقي السالفة أنتم تخيلوها ...



    قريباتي أختين أخوهم رجل ملتحي ومقصر الثوب يعني نقول عليه ملتزم حارمهم من أقل حقوقهم .. أي حاجه يحتاجوها مايسمح فيها .. ويستعمل كل أسماهم بالأسهم بدون أذنهم ... والمصيبه هو محرمهم وولي أمرهم ... و يقدم يطلب معونه من أمير أو من ملك أو من ومن باسماء خواته وهم مايشوفوا شي منها ..... قهر والله قهر رجال
    حتى الرسول صلى الله عليه وسلم أمرنا بالاستعاذه من قهر الرجال .....


    شوفوا الأسواق الآن كم وحده بتركب لموزين بدون محرم ومن عند المستشفيات كثير يركبوا


    في يوم قابلت حرمه مسكينه كبيره في السن في مسشتفى تخنقها العبره وهي تتكلم عن نفسها واهمال ابناءها فيها .....
    تقول : أنا عمري ماأركب لوحدي وماعمري أعرف التكاسي ( تقصد اللموزين ) بس أضطرني المرض واولادي تركوني ماعندي أحد واضطريت أروح مجبورة مع رجال لوحدي -

    أقولها لو كان فيه باصات لنساء تركبي - قالت ايه والله أركب يابنتي ولا أركب مع رجال لوحدي أخر عمري.

    القصص كثيره واللي يده في النار مو زي اللي يده في المويه -

    اي حاجه تخالف الشرع مانسمح فيها
    لكن لابد نجد حلول للفئات المضطهده -


    مو تجي وحده ماليه يدها من محرمها أبو أو أخو أو زوج أو حتى أولاد وعندها مايكفيها في حاجتها ولا جربت ضيم الليالي - تجي وتمانع بما يحله الشرع , ولا تجد حلول -

    لو كانت هذه الناشطه ايش ماكانت , وهي تعترض على الدين احنا ضدها ونعترض عليها

    لكن لو قال حتى الأعداء كلمة حق ولو أرادوا بها باطل
    احنا أولى ننتبه ونجد الحلول ولا نترك حتى ثغرى لأهل الظلم أو العلمنه يتدخلوا

  5. @ghlah_2

    :024:اطلعي هالبلدموبحاجة اشكالك ياعلمانيه وماطلبنا منك ومن غيرك اطالبون بحقوقنا حقوقنا محفوضه وحنى محفوضات

    انقلعي الله لايردك:icon28:



    :icon35::icon35:

تابعي تجارب أخرى من هذا القسم.