اللي تطلقت .. وعوضها الله .. بالزواج الثاني تحكي لناقصة زواجهاالثاني ومشاعرها/تم الرد

متابعة النقاش، صفحة 15

شاركي في النقاش

سجلي الدخول لإضافة تعليق.

التعليقات

265
  1. @hal_doaa

    لاحول ولا قوة الا بالله اكره الظلم وبعض القصص ضيقت صدري

    بالنسبه لي انا شايفة ناس كثير حولي ربنا عوضهم

    في بنت اهلها غصبوها تاخذ واحد متزوج المهم كان يزورها بالملكة وطبعا رفض يدفع المهر وبالاخر اهلها حسوا ببنتهم وطلقوها

    بس الحقير طليقها قال انها مو بنت وانه كان يوم عند مرته ويوم عندها

    البنت تعقدت وجلست سنتين على هالحال والناس ماقصروا فيها

    بالاخر اخذت ولد عزوبي وجابت منه ولد والحين حامل ومبسوطة كثير بس الله يباركلها

    وغير هالقصص كثير يعني اهم شيء الثقه بالله وربي يعوضكل مطلقة بالزوج الصالح
  2. @zmn_aamry

    سبحان الله
    كملوا يابنات والله قصصكم تشرح الصدر لكل مطلقه بارك الله فيكم
    الله يعوضنا خير يااااااااااااااااارب ويجزاكم خير
  3. @noaaarh2009

    الله يعوض كل مطلقة وأهم شئ أهم شئ الدعاء والثقة بالله أنه بيوفقك
    وصدقوني اللي تفكر برضى الله وتغير من حياتها وتجتهد بطاعة الله ماراح يضيعها ربي وبيرزقها
    وأنا أعرف كثيييير مطلقات ومعهم أطفال عوضهم ربي بأحسن من أزواجهم السابقين
    وأنا تزوجت وعمري 18 سنة وتوفى زوجي بعد زواجنا بسنتين تقريبا وجلست أرمله سنتين رافضه الزواج نهائيا
    ورفضت أكثر من واحد بدون ماأخلي أمي أو أبوي يكمل كلامه عن الخاطب وأحيانا ماعرف ولاأسأل حتى هو مين وولد مين
    ومرة خطبني أخو زوجة خالي كان شاب صغير أكبر مني بسنة عمره 24 سنة وملتزم وطييييب وكان شغله عند أهله خارج الرياض وقال بحطها في بيت لحالها لوتبي في الرياض المكان اللي تختاره تطلب اللي تبيه وأهلي يحاولون فيني وأبوي يهاوش البنات مليانات البيوت وأنتي جايك شاب و..و....وأخته تحاول وأستخرت لكن ماقدرت أبد كنت كله أبكي ماااابيه مااابيه وشكيت لصديقتي قالت أنتي مومرتاحه له وإلا مومتقبله الرجاجيل كلهم؟؟؟!!.....وتعذبت وأحترت أكثر..ورفضته وكل ماأرفض يقول لا عطوها فرصه شهر إلين مرت 6 شهور كرررهته مابيه وصرخت عليهم مابيه مابي أتزوج...وزعل أبوي وأسمعه يهدد عند أمي و..و.. ولكن ماأهتميت
    وبعد شهرين تقريبا كلمت أمي ووحده من جماعتنا حرمه كبيرة بالسن قالت أبي نوارة لأخوي (أخوها مطلق وعنده ولد وبنت)وكبير شوي علي يعني ولده في الثانوية ..المهم الحرمه قالت لأمي بنجيكم الأسبوع الجاي(هم كانوا بنفس المنطقة اللي فيها الخاطب الأول) وعرف أبوي وقال بتتزوجه يعني بتتزوجه ولاني راده ..وكل ماأجلس على الغدا يقول هذا رجال والنعم فيه وحنا عارفينه و..و
    وأقوم لغرفتي أبكي ضاقت بي الدنيا شلووون أتزوج واحد كبير ومعه عيال أصلا ماني قد المسؤلية شلون أجلس مع عياله
    وأتخيل حياتي مع زوجي الأول الله يغفر له وأبكي وأقوم الليل وأدعي أن الله يفرج همي
    وبعد أسبوع دخل زوج الحرمه المستشفى (أخت الرجال)اللي كلمت أمي وأتصلت أعتذرت وأجلت الموعد للأسبوع اللي بعده
    والأسبوع اللي بعده دخل زوجها العناية المركزة وبرضو أتصلت أعتذرت لأنه مووقته كلش وحالتهم حاله وبعد كم يوم توفى
    وبعد شهر أتصلت وأكدت طلبها على أمي وقالت أول ماأطلع من الحداد بنجيكم ويوم سكرت إلا التلفون يدق عمة أمي تخطبني لولد ولدها اللي هو زوجي حاليا وهو شاب عمره 30 ولاسبق له الزواج وله مركز مرموق وبنفس الوقت يصير صديق زوجي الأول وولد خالته
    وصحيح كنت حزينه وأستخرت لكن فرحت لأني ماأخذت أبوالعيال....وتملكت خلال أسبوع وزواجي بعده بأسبوعين وسافرت شهر العسل ويوم رجعت أنعزمنا على زواج أبوالعيال تزوج بنت خالتي وسلاااااااااامتكم<<<طولت عليكم السموووحه

تابعي تجارب أخرى من هذا القسم.