حيا الله بنات الحواء الجميلات
اللي يحبون يعتنون بأنفسهم ويدلعون اعمارهم
شرفتوا ونورتوا
هذا سلمكم الله انا واعوذ بالله من انا قررت من امس اني اصحى لنفسي
ولبشرتي وجسمي كفايه كسل ولا مبالاة
مو معناة هذا اني مهمله او مااهتم
لا بس اهتمامي عادي جدا جدا
اتروش على السريع واحط ديودرنت وبودة جسم ومرات اذا دلعت نفسي بالحيل حطيت كريم جسم معطر
ومره بالشهر والشهرين اسوي حمام مغربي وخلافه
بس هالمره قلت لا ماينفع لازم ادلع نفسي كأنثى وارطب بشرتي باستمرار لاني سلمكم الله جافه درجه اولى
وعلطول طلت اليوم للسوق وجبت هالاغراض
طبعا بعد مافرفرت بالمنتديات لين تعبت رجولي وانكسر ظهري
وطبعا البنات مايقصرون جزاهم الله خير لقيت اللي يناسبني ومايرهق بحيث ان اتكاسل
نبدأ بسم الله

شور جل مع ليفته من لوكس ريحته حلوة وخفيفه
سعره 12 ريال

ليفه محشوة بصابون معطر بروائح الشاي الاخضر وكم ريحه ثانيه
من زهور الريف بــ 15 ريال

شور جل للجسم برائحة نبتون من زهور الريف
ريحته خفيفه مره بـ 20 ريال بعد التخفيض
عطر التوت البري ارش منه على ملابسي بعد كل شور عشان تثبت ريحة البودره
من زهور الريف بـ 40 ريال وريحته خورافيه جدا جدا
البودره بنفس ريحة العطر عشان كل واحد منهم يثبت الثاني






