بنات لاتطنشوني دورولي على حل باسرع وقت حاسة اني بموت ابي الكل يعطيني فكرة الله يخليكم

السلام عليكم ورحمة الله وبركاته
والله اني اكتب وانا ابجي عجزت من كل شي وقلت مالي الا اخواتي بنات حواء بيساعدوني بأيجاد حل بنات انا على علاقة حب مع شاب حبيته وحبني وصدقوني لاتظنون انه لعاب لا هو ناضج وعقلاني ويشتغل مدرس المهم اتفقنا على الزواج وكل شي تم بمصداقية وعلى فكرة هو مطلق وصارحني ورضيت صدقوني اكتب وانا ماني شايفة الكيبورد من الدموع المهم حبيته وحبني بقوووووة وماحنا قادرين نتفارق
جربنا بس ماقدرنا والمشكلة اللي مخليتنا مانتزوج هي ( العنصرية) والرفض من اهله مو من اهلي على العلم ان اهلي واهله الى الان مايدرون بس اللي بين انه جاس نبض امه وعلى طول صرخت في وجهه وعلى فكرة هو كل شي بالنسبة لاهله هو الاب والاخ وكل شي يعني متحمل مسؤلية بيت كامل والحين يوم صار وقت الجد موقادر ولاهو عارف وش يسوي مع اهله وشلون يقنعهم يقول ابيهم يوافقون عن اقتناع مابي اغصبهم لان لوغصبتهم ببهذلون حياتنا بالمستقبل ويقول لازم ندبر لنا سالفة بحيث انهم يقتنعون على طول بدون شد ولا هواش حتى لوكانت السالفة جذب بس اهم شي نتملك ونفتك الحين هو على وشك يتركني على شان كل واحد فينا يفكر بحل واذا مالقينا نبتعد وهو وانا موقادرين نتفارق والله احس انه اذا ذكر الفراق والله قلبي بيوقف هو خايف ان مانرتبط ويكون هوالسبب في تأخر زواجي مع العلم انه يقول اذا ماتزوجت ماراح اتزوج غيرك انا ماصدقت القى وحدة تفهمني بنات واللي يسلمكم دبروا لي سالفة تقنع امه اي سالفة بس على كلامه يبي سالفة منطقية على شان ماتروح وتشهر فيه عند عائلته لاتقولون لي خليه يتقدم لحاله هوعرض علي هذا الشي وانا رفضت على شان اهلي ما ابيهم يدرون عن رفض اهله وبعدين تصير المسألة عناد ويصير الرفض من الطرفين اذا صار من طرف واحد اهون بنات لاتقولون لي هذا غلط وهذا وهذا انا عارفة بس ابن ادم قلبه موبيده لوقلبي بيدي ما اضطريت اكتب لكم واطلب مساعدتكم عطوني حل تكفون الا الفراق لااااااااااااااااا
ما اقدر ماتدرون وش هو بالنسبة لي والله حسيت بالحياة صح يوم عرفته وصدقوني ماحصل بيني وبينه اي شي غلط حتى المكالمات مانكلم بعض على طول بس ماغير نشوف وضعنا وشصار عليه وننهي المكالمة تكفون ساعدوني اختي وخالتي عجزوا معي تقدموا لي ناس كفو ورفضتهم ما اقدر اعيش مع واحد ثاني وانا قلبي وعقلي معاه ردوا علي تكفون ابي حل حاسة اني بموت والله اني كل يوم اصلي وادعي ان الله يهدي سر امه وتوافق هي الى الان ماهي عارفة بالضبط بس هو لمح لها بس يوم شاف ماهي متقبلة الموضوع سكر على السالفة وقال لازم نألف سالفة وخطة على شان على طول توافق بدون شد وهواش وجدال بنات دبروالي سالفة تكفوووووووووون على الله ثم عليكم يقولي خلينا فترة نفكر شوي يقول انا عجزت وصدقوني انا ماودي ياخذني غصب عن اهله خصوصاً لان هو كل شي بالنسبة لهم
بنات لاتتركوني تكفون تعبت بدخل على 25 سنة وهو كل شوي يرددها علي هالكلمة مو عارفين وش نسوي الله يسعدكم وينولكم كل اللي في بالكم دبرون سالفة نقولها لامه تكفون والله ماراح انسى لكم هالمعروف انا على ثم عليكم ابي روحي ترد والله احس اني عايشة ومو عايشة حياتي ملخبطة .
ادعوالي ان الله يحنن امه علينا .واشكركم واسفة اذا طولت عليكم.