وش السواه مع عيالي

:(:44:السلام عليكم أخواتي بنات عالم حواء أنا عندي مشكله عجزت القى لها حل وهي أني عندي أربع أولاد الاول ولد بالثانوي والثانيه بنت باول متوسط والثالثه بخامس ابتدائي والاخير ولد بثالث ابتدائى المشكله ان اولادي ما يعرفون شي اسمه ترتيب غرفهم خصوصا البنت اللي بالمتوسط والله لو تشوفون غرفهم ماتقولون هالغرف عايش بها أوادم كل أغراضهم بالارض هذا غير قصاصات الاوراق والمناديل حتى ملابسهم النظيفه بالارض مع الملابس الوسخه وكل شي بالارض واي شي يخطر على بالكم تلقونه عندهم والمشكله انهم عندهم دواليب ودروج يحطون بها أغراضهم حتى لو يضيع لهم دفتر او اي غرض مايلقونه بسهوله واتخذت جميع الطرق معهم من الحرمان من المصروف الى الحرمان من الالعاب الى اني ما أكلمهم وازعل عليهم ثم يرتبون واذا رضيت عليهم رجعت حليمه الى عادتها القديمه وما بقى الا الضرب هالطريقه الوحيده اللي ما استعملتها وابوهم هاوشهم وحرمهم بس مافيه فايده وانا كان عندي قبل شغاله بس ماعودتهم على الاتكال كان لهم دور بترتيب غرفهم والحين ماعندي شغاله وانا تعبت من هالحال والمشكله أني من النوع اللي يحب الترتيب حتى أن بناتي يقولون وشلون تخلين غرفتك نظيفه ووالله اني قبل ما اكتب هالموضوع اني بكيت من القهر والصراحه انا ماأبيهم يكبرون على كذا وحتى لو نظفو ماينظفون صح بس تنظبف علاشان اسكت وش الحل ياجماعة الخير الله يخليكم ساعدوني ولا تدخلون للموضوع وتقرون القصه وبس والله اني بحاجه لكل راي ومشوره وجزاكم الله كل خير

56 تعليق 6,069 مشاهدة

شاركي في النقاش

سجلي الدخول لإضافة تعليق.

التعليقات

55
  1. @lyaly_39

    لالقيتي حل لاتنسيني

    الله يعين يختي وربي مشكلتك نفس معاناتي مع عيالي عسى ربي يصلحهم ويهديهم ويهدي عيالك

    انا عندي بنت بثانوي ماتعرف تتطبخ وخواتها مايرفعون شي كله ع الشغاله

    لاحرمان فاد ولاكلام الله يعين

    وان شاء الله يساعدونك البنات
  2. @blsm_grooh

    الله يعينك عليهم
    انا لما كنت بالمتوسطه كنت كذا
    وقبل ماانام كانت امي تطلب مني انظف البيت واساعدها
    بس كنت اطنش وانام
    تخيلي وش كانت تسوي معانا
    اول طريقه كانت اذا ماسمعنا كلامها تخلينا ننام
    وواليوم التاني ماتخلينا نروح المدرسه الين مانرتب البيت كله
    عاد لاتقولين لي احسن ننطق بالبيت
    ابوي كان شديد ويضربنا اذا غبنا عن المدرسه بدون سبب
    بعدين صرنا ماننام الاوالبيت مرتب عشان مانتاخر اليوم التاني ونتسطر
    وتاني طريقه كانت فعاله
    كانت تحرمنا من استخدام الاستشوار واحنا رايحين المدرسه
    وتعرفين البنات بيموتون عالاستشوار
    عاد انا احد يحرمني من مصروفي ولا يحرمني من الاستشوار
    جربي اي طريقه
    او شوفي حاجه بناتك متعلقين فيها واحرميهم منها
    عاد البنات فيهم امل اما الاولاد لا تحولين معاهم ابدا لانك راح تتعبين
    وسلامة قلبك من القهر

    موفقه
  3. @ghram_sosy

    عندي طريقه كان امي الله يشفيها تسويها معنا ونجحت كان اذا تعشينا ونروح بنام نلقى غرفنا مقفله وتعيي تخلينا ندخل الا نظف البيت اول بعدين نظف غرفنا بعدين نام واذا صحتنا اليوم الثاني مانروح المدرسه الا كل واحد يرتب فراشه او يروح المدرسه بدون كتب وتجبرنا نروح المدرسه واحنا مستحيل نروح بدون كتب ولا تخلينا نغيب فنتظمنا الين صارت عادتنا...

    حاولي تجربيها والله يعينك

تابعي تجارب أخرى من هذا القسم.