تبين فطيره تفاح اشهى واحلى من الي يقدمونها في ابل بيييز وشيليييز تعالي بسرعه اخبرك



هاي الفطيره تعلمت طريقتها من كتاب طبخ اجنبي شريته من جرير يعلمك طريقه الحلويات بطريقه الماهرين

انا جربتها رووووعه جدا جدا

نبدأ بسم الله

المقادير :

كوب ونصف طحين جميع الاستعمالات

125 جم زبده غير مملحه ( مكتوب عليها 125 جم تقريبا شوفي نوع لورباك الصغيره )

1\3 كوب سكر مطحون

1\4 كوب نشاء

1 بيضه مخفوقه

1 صفار بيضه مخفوقه

1 ملعقه صغيره فانيلا

في ماكينه الخفق ( كيتشن ماشين ) حطي الطحين والسكر والنشا والزبد واخفقي زين لين تستوي العجينه مثل فتات الخبز وبعدين ضيفي البيض والصفار والفانيلا واخفقي

طلعي العجينه ولفيها بكيس وحطيها في الثلاجه لمده نصف ساعه

الحشوه :

4 تفاحات ناضجات

2 ملعقه زبده

قرفه + سكر حسب الرغبه

ملعقه كبيره مربى مشمش مسيحه على النار

انا الصراحه اقشر التفاح واحطه في ماكينه البخار واهرسه مع الزبد والقرفه بس الي ما عندها ماكينه البخار ممكن تسوي شيين :

1- تحمسين الزبد شوي وتقلين التفاح المقطع صغير لين يلين

2- تحطين التفاح بالفرن لين ينطبخ او تسلقينه مع شويه ماء وزبد

تطلعين العجينه من الثلاجه وتفردينها في صينيه تيفال وحطي فوقه ورق زبد وحبات فول واخبزيها 10 دقائق في الفرن وبعدين طلعيها وشلي الورق والفول واخبزيها كمان 10 دقائق وبعدين طلعيها وادهنيها بالمربى ودخليها الفرن 5 دقائق وبعدين طلعيها وخليها تبرد شوي و حطي الحشوه مالت التفاح والقرفه ودزيها في الفرن 10 دقائق

وقدميها حاره مع ايس كريم الفانيلا


16 تعليق 3,224 مشاهدة

شاركي في النقاش

سجلي الدخول لإضافة تعليق.

التعليقات

15
  1. حشـــــى حشى مايسوى علي اخبزها اربع مرات مايسوى علي والله بس انتي سويها لي ودزيها بالرساله الخاصه اذوقها هههههههههه

    تسلمين كلج نظر

تابعي تجارب أخرى من هذا القسم.