الملف الخاص بأحلى حاجه في مصر (بنات مصر) ..الجزء الرابع كلاكيت تاني مرة :)

mashmash
انا متضايقة ان يكون اول كلام ليا معاكى يكون فى الموضوع ده
بس هاقولك ربنا يقويكي واوعى تندمى على حاجة انتى قررتيها ومقتنعة بيها
ده صدقينى احسن من انك تكملى وانتى عارفة ان فيه حاجة غلط ويجي يوم تعرفى ان كان فى ايدك القرار ومخدتوهوش وساعتها ممكن ماينفعش الندم
واوحش حاجة انك تتعاملى مع ناس مش واضحة وان يكون اللى قدامك معندهوش شخصية صحيح مفروض يكون بيحترم مامته وبيحبها بس كمان مفروض يحاول يخليها تحبك
عموما ولا يهمك وربنا ان شاء الله يعوضك احسن منه انا كان ليا واحدة صاحبتى عندها نفس مشكلتك بس كانت بتحب الولد طول سنين الكلية وكانت بتقابل مامته وباباه وكانت عامله بتحبها وتخيلى بعد الكلية لما الولد جه يخطبها باباه وافق ومامته لأ رغم ان البنت كانت قمة فى الأدب والأخلاق ومامته كانت عامله بتحبها وفضلت وراهم لغاية ما بوظت الموضوع
صاحبتى دى عارفة فين دلوقتى ؟؟؟؟؟؟ ما شاء الله عليها
اتجوزت وعندها بنت وحامل ( ربنا يقومها بالسلامة ان شاء الله ) :icon28:
ودلوقتى بتقول انا كانت دماغى فين وبتحمد ربنا انه نجاها من واحد بيسمع كلام مامته ومابتتخيلش انها كان ممكن تتجوز واحد غير جوزها
ربنا ينور طريقك واتمنى انك تكونى استخرتى ربنا لأنه العالم وحده بالأحسن لينا
واتمنى انى اكون قويتك ( مع انى عارفة انى طولت عليكي ) بس حبيت افيدك
اختك فى الله

هبه عبد العظيم هو انا فى اللسته؟
طيب هتتقابلو الساعة كام وفين؟
على فكرة الفستان اللى انتى قلتى عليه لانجيرى انا اول ماشوفته قلت كده برضه وانتى جيتى ببالى على طول عشان كنتى بتقولى بتعملى من قماش السواريهات لانجيرى
قوليلى انتى بتخيطى فعلا ولا بس بتصممى اصل عندى كام موديل هموت عليهم جبتهم من على النت ونفسى موت افصلهم

انا عاجبنى قوى قوى الموديل ده


ياترى لو حبيت افصله يتكلف كام وياخد قد ايه وقت؟
ردو يا بنات ياللى بتعرفو فى التفصيل بس بسرعة لانه داخل دماغى جدا
مختلف عن فساتين الافراح التقليدية حسيته سورى اول ما شوفته ولا ايه يا احلام عصفور
اينا ودون ومروة وتماتيا وشيرى وسكرة وسندريلا انتو فين وحشتونى
هبه مستنياكى زى ما اتفقنا