►||سريلانكا تقرير كامل +صور روعه ||◄ ‏

2 نوفمبر 2009

#36651684

سريلانكا عشق ابدي.....ايام تعيشيها مستحيل تنسيها أجوائهم رائعه وطبيعتهم خياليه سبحان الله تمر عليك الايام فيها تقل حلم
عزيزتي انا زرت سريلانكا العام الماضي وبالتحديد شهر سبعه ميلادي وبحاول اختصر لك رحلتنا
طبعا مدة الرحله 17 يوم انا و:arb: كلفت تقريبا 20 الف الرحله كانت عبر الخطوط السعوديه كانت سعر التذكره 1800 ريال بالنسبه لرائيي بالخطوط عليه تحفظ لأن ثقي تماما ان الطياره كله عاملات وعمال ورايحين لأهلهم فاتحسينهم متحمسين مره وروايح زيوتهم وعطورهم للحين بخشمي من سنه:o وبالرجعه تشوفين العكس مشاهد تقطع القلب أحضان ودموع اللي يودع اطفاله واهله :( لكن تقدرين تفادين القرف هذا بانك تختارين مكان مناسب بالطياره عند مخرج الطياره او ماشابه الرحله كانت من الرياض الى العاصمه (كولمبوا) ومدته 7 ساعات
وصلنا بالسلامه وكان في استقبالنا السواق الخاص وانطلقنا معه على بركه الله اتجهنا الى مدينه قريبه من العاصمه (كاندي) وكنا مرتبين حجز في فندقkandy hunas fulls الفندق هذا نصيحه من اعماقي لا يفوتك مكانه جميل جدا ورومنسي لأبعد حد وهادي الفندق هذا عند شلال مطعمه حلو ومرتب وعلى بحيره حنا جلسنا فيه ايام من اجمال ايام العمر تعد المدينه هذي تقدرين تسوين فيها نشاطات كثيره حنا اخذنا قارب على بحيره لمده نصف ساعه جميل وركبنا الفيل فيها تجربه جديده ومغامره بس للأمانه يعور الظهر والرجلين دارفينا مسافه طويله شوي داخل غابه سبحان الله على ذاك الكائن الغريب ويعطونك شرح بسيط عن الحيوان المكان هذا تقريبا فيه 80 فيل تقدرين تسمينها محميه واذا تحبون تسَبحون الفيل بعد ممكن بس الصراحه يادوب اشتهيت اركب
واليوم الثاني زرنا حديقه التوابل حديقه جميله جدا فيه أنواع كثيييييييره من النباتات شفت شجر الزنجبيل والهيل والقهوه والشكولاته والفانيلا وماشابه وفيه بنفس الوقت مكان تسوق صغير فيه زيوت وكريمات من وحي الطبيعه من عندهم مصنعه ومعصوره أخذت منهم مجموعه من الزيوت زيت جوز الهند لشعر وزيت شجر الصندل والجوجوبا والصبار هذي سوا للبشرة ماتخيلين شكثر استفدت منه حتى انه اخو زوجي راح قبل اربع شهور ووصيته يجيب لي معه كميه
اليوم الثالث زرنا حديقه الورود هي حديقه عامه رائعه رائعه جدا اشكال ورد ماشفتها في حياتي ولا اتوقع اشوفها سبحان الله بس كان فيه مطر خفيف يعني يلزمك مظله بعدها اتجهنا
لمدينه ثانيه الي هي( نوريلايا) سكنا في فندق Tea factury الفندق هذا كان بالاصل مصنع شاهي من اسمه مع بعض التعديلات تحول لفندق مع بقى اثار للمصنع يعني مثل اللفت على ماهو عليه قديما بابه شبك وحديد وفيه الات صنع الشاي موزعه في الاستقبال وباقي الاماكن الفندق هذا مافيه فخامه قد ماهو غريب ومطعمه حلو بعد العيب الوحيد بها المكان انه بارد يعني تحتاجين لبس ثقيل شوي والجميل فيه ان المنطقه اللي حوالين الفندق كلها مزارع شاي وتشوفين الحريم وهم يحصدون شكلهم فضيع مره اما بالنسبه لنشاطات اللي ممكن تسويه في هالمنطقه هي زياره مصانع الشاي حلو انك تزورينهم يفرجوك على كيف يصير الشاي من اول القطف لحد مايصلك وتاخذي جوله داخل هذي المصانع ولو حبيتي تشترين منهم شاي بعد راح يبيعو عليك بصراحه حنا اخنا منهم اشكال والوان الشواهي فضيعه ومنكهه وكمان المنطقه هذي فيها بحيرات وقوارب ممكن تتمشي فيها جلسنا كم يوم بعد كذا انطلقنا لمدينه ساحليه ساحره اللي هي (بنتوتا) وسكنا في منتجع على البحر اسمهTaj مرتب وحلو رايق مره الشاطى رملي ابيض يرد الروح سبحنا فيه طبعا الفجر حتى نكون بعيد عن انظار المتطفلين وركبنا دبابات البحر(الجت سكي) وزرنا فيه حديقه مائيه سبحان الله عباره عن بحيرة ونابت في وسطها ورود وازهار ونبتات جميله طبعا بالقارب جلسنا في المنطقه هذي كم يوم بعد كذا رجعنا للعاصمه وجلسنا فيها يوم استعداد للعوده للوطن الحبيب

ملاحظاتي
بالنسبه لتسوق في سريلانكا ماأعرف شي انصحك فيه الى محل مجوهرات غريب في كاندي عندهم حجر جميل جدا يسمونه حجر النجم(الحجره هذي مرتبه جدا وتشوفي فيه نجم وشعاعه اسفه على الوصف يمكن ماتاصل الفكره لكن اذا شفتيه تنبهري منه انا اخذت خاتم من عندهم لذكرى بس طبعا غالي اكيد لأنه شي غريب وتقولك مستحيل تلقينه بغير سريلانكا)
واذا انتي عندك اطفال احس اجوائها تناسب العائله وبالنسبه لشعب ماتحتكي فيه كثير تشوفيهم بالطريق بس وشوارعهم فيها شوي وعورة وضيق لكن بصراحه المناظر اللي تحيط بك والأشجار والشلالات تنسيك
أكلهم احسن اكل ممكن يمر على المسافر تعرفين بعض الدول ودك تروحين صايمه لهم من شين اكلهم وانا جربت كثير لكن سريلانكا نتسابق على المطعم بصراحه:pوخصوصا وجبات الفطور اقوم الصبح بس عشان افطروالدوله من النوع اللي ماتعيشي فيها بالليل خلاص من تغيب الشمس ماعاد فيها حياة يعني تصحين الفجر بدري وتبدين بنشاطاتك وبعد ماتغيب الشمس ترجعين للفندق
وبالنسبه للغه الحمدلله حنا متحدثين باللغه الأنجليزيه وحتى هم يادوب يفهموا على الانجليزي واذا طلبتي مرشد سياحي اتوقع يفورنه لك المكاتب
وبالنسبه للعمله الدوله رخيصه جدا
بصراحه عندي صور متأكده لوتشوفيها تصدقي كلامي بس السموحه مااعرف احط صور بحاول احطها وقت ثاني
وان طال الكلام فقصدي الفائده

هذا اللي قدرت اقوله لك واذا حبيتي تسألي عن شي انا بالخدمه واذا تبغين اعطيك رقم مكتب ممتاز هناك يضبط لك الحجوزات والسائق عطيني خبر
وتقبلي تحيتي:26::
دعواتك بالضنى الصالح