قمه الإحرررررراج/ قديم

ههههههههههههههههههه مواقفكم تجنن

انا جا على بالي موقف من زمان وانا بالثانوي كان عندي موعد بالمستشفى ورحت مع ابوي وسوو لي اشاعه صدر طبعا لازم

اشيل التي شيرت والسنتيانه انا شلت التي شرت وخليت السنتيانه ولبست الروب حق الاشاعه وابوي يستنى برا سويت الاشاعه

وشوي تجي الممرضه تقول لابوي قولها تفصخ ستيانه :( طق علي ابوي باب الغرفه وياشر على صدرة يقول شيلي هذي انحرجت

ما انسى هالموقف ابدا


ومرة وديت ولدي صغير للدكتور عشان عنده مشكله بالطهار الدكتور سعودي يقول وين بتسووين الطهار؟؟؟يقصد باي مستشفى وانا

اقوله بذكرة ؟هههههههه وهو يعيد على السؤال 3 مرات وانا من التناحه نفس الاجابه وطاح وجهي يوم نفخ علي قال انا داري بس باي مستشفى:)


وموقف مع زوجي ادري طولتها كان عنده موعد مع الطبيب ورحت معه العياده زحمه والدكنور مضغوط وزوجي الله يهديه دقيق جدا

بالوصف على سنع وقل سنع المهم يبي يوصف للدكتور حالته وهو مندمج يقول وش يحس به قال (ومرة في 5 شوال يوم الاحد

الساعه 1ونص باليل جاني مغص)الدكتور وده يقوم يصفقه انا دوروني ماتلقوني بنفجر من الضحك خلاااااص نغزته وهو حس وسكت

وبسرعه نطلع من العياده وانفجر ضحك غصب عني قدام الناس قامو يناضروني استحيت :)

واذا ذكرت بعد باسدح لكم عسى بس ما اصير ثقيله دم مع مواقفي

خخخخخخخخخخخخخخخخخخخخخخخخ

وانا بعد عندى موقف يضحك
ابووى مره خواف علينا وموسوس من ناحيه الصحه والمرض المهم ذاك اليوووم معى نغزات بصدرى ورحت لابوى وقلت له يبه ودنى المستشفى صدرنى يعووورنى طبعا انا اقصد القفص الصدرى وابوى يقصد النهود خخخخخخخخ (ابوى تفكيره ... ) المهم قال ابوى وش صدرك يعورك قلت ايه
المهم صار يطالع بصدرى ويقول ارجعى ورى وابوالشباب يطالع وعيووونه كلها ملايانه خوووووووووووووف المهم قلت وش فيييييه قال هااا يابنت انتى لابسه سنتيانه قلت وش قال روحى نادى امك
ونادت امى وصاار ابوى يكلمهاااااا بعصبيه وفى الاخير قال يالله بسرعه على المستشفى
المهم رحت سالت امى وش فيه قالت امك شاك انه فيك ورم بالصدر يقول احس واحد اكبر من واحد
خخخخخخخخخخخخخخخخخخخ
والله ذبحنى الضحك ابوى كان بيجيه جلطه من الخووووف ورحت للمستشفى وطلع الحمدالله سليمه

الله يسعدك ياااااااااااربي موت من الضحك:27:

انا مره قمت الصباح كنت بسادس ابتدائي قمت الفجر صليت ولبست بروح المدرسه ومستعجله وطلعت بالسور استنى السواق يضرب وبرررررد كان شتاء ومجهزه الشنطه وجالسه استنى

شوي الا جاء ابوي من برى وهو يقرأ الاكار مايشوف الا انا بوجهه قال وش فيك وانا ابوك؟؟

قلت استنى السواق ..

قال وين ؟؟ قلت بروح لمدرسه

قال ابوي : وهو يضحك ادخلي وانا ابوك انا في اجازة

وانا استحيت شكلي كان يضحك

بس استانست ورجعت اناام


*****
من اسبوعين جينا من مشوار رايحين له من الصباح وماتغدينا الا المغرب بمطعم من التعب ومارجعنا الا العشاء وكنت داايخه المهم ونمنا بدري لأننا قايمين مع الدجاج وقومت الفجر زوجي قلت له قم صل الفجر قام عقب طلعة الروح..

وراح يصلي

وانا اصلي وارجع لسريري واتلحف وشوي يتصل جوال زوجي وكان الجوال عند راسي خذته وشفت واحد من اصدقاه يتصل استغربت طبعا ماقد رديت على جوال زوجي مستحيل..

وحطيته سايلنت وارجع اخذ الجوال وانتبه للساعه الا الساعه وحده وخمس

وانا الله يخلف علي احسب الساعه 5 و5 دقايق احسب العقرب الصغير مكان الكبير ما انتبهت

وانا ارتبك ياربي وش اسوي وش بيسوي فيني الحين

والمسجد بعيد عن بيتنا

المهم ويرجع الا وهو يطالعني بطرف عين ويتحمد يقول مقومتني حتى المسجدى مسكر حتى ماله نفس يهاوش

الصبح عاد تفرغ

بس ياشين هالمواقف